തിരുവനന്തപുരം: വീട്ടമ്മ തീകൊളുത്തി മരിച്ച സംഭവത്തിൽ ഭർത്താവ് അറസ്‌റ്റിലായി. തിരുവനന്തപുരം മലയിൻകീഴിലാണ് സംഭവം. പ്രതിയായ ജയശങ്കർ ആണ് മലയിൻകീഴ് പൊലീസിൻ്റെ പിടിയിലായത്. ജയശങ്കറിന്‍റെ ഭാര്യ ഷീജ (41) ആണ് തീകൊളുത്തി മരിച്ചത്.
ഏപ്രിൽ മൂന്നിനാണ് കേസിനാസ്‌പദമായ സംഭവം നടക്കുന്നത്. വീടിൻ്റെ പിറകുവശത്ത് വച്ച് ഷീജ സ്വയം മണ്ണെണ്ണ ഒഴിച്ച് തീകൊളുത്തുകയായിരുന്നു. തുടർന്ന് ബന്ധുക്കളും നാട്ടുകാരും ചേർന്ന് തിരുവനന്തപുരം മെഡിക്കൽ കോളജ് ആശുപത്രിയിൽ എത്തിക്കുകയായിരുന്നു. ചികിത്സയിലിരിക്കെയാണ് വിട്ടമ്മ മരിച്ചത്.