തിരുവനന്തപുരം :സംസ്ഥാനത്ത് ഇന്ന് (ഓഗസ്റ്റ് 02) വ്യാപക മഴയ്‌ക്ക് സാധ്യത. 10 ജില്ലകളിൽ ഓറഞ്ച് അലർട്ടും 4 ജില്ലകളിൽ യെല്ലോ അലർട്ടും പ്രഖ്യാപിച്ചു. ഉരുൾപൊട്ടൽ, മണ്ണിടിച്ചിൽ, വെള്ളപ്പൊക്ക സാധ്യതകൾ ഉള്ള പ്രദേശങ്ങളിൽ നിന്ന് മാറിത്താമസിക്കാൻ ജനങ്ങൾക്ക് നിർദേശം നൽകി. കോഴിക്കോട്, വയനാട്, മലപ്പുറം, കാസര്‍കോട്, ആലപ്പുഴ, കോട്ടയം, പത്തനംതിട്ട, എറണാകുളം, തിരുവനന്തപുരം, കൊല്ലം എന്നീ ജില്ലകളിലാണ് ഓറഞ്ച് അലർട്ട് പ്രഖ്യാപിച്ചത്.
കനത്ത മഴ തുടരുന്ന പശ്ചാത്തലത്തിൽ ഏഴ് ജില്ലകളിൽ അവധി പ്രഖ്യാപിച്ചു. തൃശൂര്‍, കണ്ണൂര്‍, വയനാട്, കാസര്‍കോട്, കോഴിക്കോട്, മലപ്പുറം, പാലക്കാട് ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചത്. ഓരോ മൂന്ന് മണിക്കൂറിലും മഴ മുന്നറിയിപ്പിൽ മാറ്റമുണ്ടാകും.