വയനാട്: സർക്കാർ സഹായധനമായി ലഭിച്ച വാടകത്തുക അക്കൗണ്ടിൽ നിന്നും വായ്‌പാ തിരിച്ചടവിലേക്ക് പിടിച്ചെന്ന പരാതിയുമായി വയനാട് ദുരിതബാധിതൻ. ചൂരൽമല സ്വദേശി അശോകൻ ആണ് പരാതിയുമായി രംഗത്തെത്തിയത്. സെൻട്രൽ ബാങ്കിനെതിരെയാണ് പരാതി. ദുരിതബാധിതർക്കായി സർക്കാർ നൽകുന്ന സഹായധനമായ 6000 രൂപ ബാങ്ക് ഈടാക്കിയെന്നാണ് ആരോപണം.
അശോകൻ ഇടിവി ഭാരതിനോട്. (ETV Bharat)
സെൻട്രൽ ബാങ്കിൽ നിന്ന് അശോകൻ ഓട്ടോറിക്ഷ വാങ്ങുന്നതിനായി വായ്‌പയെടുത്തിരുന്നു. നാലു മാസം മുടക്കമില്ലാതെ തവണ അടച്ചു. എന്നാൽ ദുരന്തത്തിൽ അശോകന് ഓട്ടോറിക്ഷയും വീടും നഷ്‌ടപ്പെട്ടു. ദുരിതബാധിതർക്കുള്ള 6000 രൂപ കഴിഞ്ഞ ദിവസം അശോകൻ്റെ അക്കൗണ്ടിൽ ക്രെഡിറ്റായി.