വടകര:വടകരയിലെ 'കാഫിർ' പ്രയോഗമടങ്ങിയ സ്ക്രീൻ ഷോട്ട് വിവാദത്തിൽ പികെ ഖാസിമിന് എതിരെ പ്രഥമ ദൃഷ്ട്യാ തെളിവില്ലെന്ന് വടകര പൊലീസ് ഹൈക്കോടതിയിൽ.
വടകര എസ്എച്ച്ഒ ഇത് സംബന്ധിച്ച് റിപ്പോർട്ട് നൽകി. പികെ ഖാസിമിൻ്റെ മൊബൈൽ ഫോൺ പരിശോധിച്ചിരുന്നു. സ്ക്രീൻ ഷോട്ട് പോസ്റ്റ് ചെയ്‌തതും പ്രചരിപ്പിച്ചതും പികെ ഖാസിമിൻ്റെ മൊബൈൽ ഫോണിൽ നിന്നല്ല എന്നും കണ്ടെത്തിയിരുന്നു.
കേസിൽ ഫേസ്ബുക് നോഡൽ ഓഫീസറെ പ്രതിയാക്കിക്കൊണ്ട് പ്രേരണാകുറ്റം ചുമത്തിയിട്ടുണ്ട് . പോരാളി ഷാജി, അമ്പാടിമുക്ക് സഖാക്കൾ എന്നീ ഫേസ്ബുക് പ്രൊഫൈലുകൾക്ക് എതിരെ അന്വേഷണം ആരംഭിച്ചതായും പൊലീസ് ഹൈക്കോടതിയിൽ വ്യക്തമാക്കി. പോരാളി ഷാജി , അമ്പാടിമുക്ക് സഖാക്കൾ തുടങ്ങിയ ഫേസ് ബുക്ക് പേജുകളിലാണ് വ്യാജ സ്ക്രീൻ ഷോട്ട് ആദ്യം പ്രത്യക്ഷപ്പെട്ടത്.