ബിജെപിയുടെ ആദ്യഘട്ട പട്ടിക; കേരളത്തിന്‍റെ ദേശീയ പ്രാധാന്യം ഉയര്‍ത്തിക്കാട്ടുന്ന സ്ഥാനാര്‍ത്ഥി നിര്‍ണയം, പിസിക്ക് മാത്രം അതൃപ്‌തി

തലസ്ഥാനത്ത് നിന്ന് ജനവിധി തേടാന്‍ രണ്ട് കേന്ദ്രമന്ത്രിമാര്‍. കേരളത്തിലെ സ്ഥാനാര്‍ത്ഥി പട്ടികിയല്‍ ഇടം പിടിച്ച് മൂന്ന് വനിതകളും.

തിരുവനന്തപുരം: തലസ്ഥാന ജില്ലയിലെ രണ്ടു ലോക്‌സഭാ മണ്ഡലങ്ങളിലും കേന്ദ്രമന്ത്രിമാരെ ഇറക്കി കടുത്ത മത്സരം കാഴ്‌ച വയ്ക്കാനൊരുങ്ങി ബിജെപി(Two Union Ministers). 20 ല്‍ 12 മണ്ഡലങ്ങളിലേക്കുള്ള സ്ഥാനാര്‍ത്ഥി പട്ടിക പ്രഖ്യാപിച്ചപ്പോള്‍ മൂന്ന് വനിതകളും രണ്ട് യുവാക്കളും ഇടം നേടി(First Candidates List of BJP in Kerala). എന്നാല്‍ അടുത്തയിടെ ബിജെപിയിലെത്തിയ പിസി ജോര്‍ജിന് ആദ്യ പട്ടികയില്‍ ഇടം ലഭിച്ചില്ല(Anil Antony). ജോര്‍ജ് ഏറെ പ്രതീക്ഷ വച്ചു പുലര്‍ത്തിയിരുന്ന പത്തനംതിട്ടയില്‍ മുന്‍ മുഖ്യമന്ത്രി എകെ ആന്‍റണിയുടെ മകന്‍, അടുത്തയിടെ ബിജെപിയിലെത്തിയ അനില്‍ ആന്‍റണിക്ക് സ്ഥാനാര്‍ത്ഥിത്വം ലഭിച്ചു. ആദ്യ ഘട്ട പട്ടികയുടെ ഘടന കണ്ടാല്‍ തന്നെ വ്യക്തമാകും കേരളത്തിന് ദേശീയ രാഷ്ട്രീയത്തില്‍ നിലവിലുള്ള പ്രധാന്യം. തിരുവനന്തപുരം ജില്ലയില്‍ വരുന്ന രണ്ട് മണ്ഡലങ്ങളില്‍ മത്സരം കടുപ്പിച്ച് ജയം ഉറപ്പിക്കാനാണ് കേന്ദ്രമന്ത്രിമാരായ രാജീവ് ചന്ദ്രശേഖറിനെയും വി മുരളീധരനെയും അങ്കത്തട്ടിലിറക്കിയതെന്ന് വ്യക്തം.

ബിജെപിയുടെ സ്ഥാനാര്‍ത്ഥികള്‍ ഇവര്‍:

തിരുവനന്തപുരം- രാജീവ് ചന്ദ്രശേഖര്‍, കേന്ദ്ര ഐടി, നൈപുണ്യ വികസന സഹമന്ത്രി. തൃശൂര്‍ ദേശമംഗലം സ്വദേശിയെങ്കിലും ജനനം അഹമ്മദാബാദില്‍. ചിക്കാഗോയിലെ ലിനോയിസ് ഇന്‍സ്റ്റിറ്റ്യൂട്ട് ഓഫ് ടെക്‌നോളജിയില്‍ നിന്ന് കംപ്യൂട്ടര്‍ സയന്‍സില്‍ ബിരുദാനന്തര ബിരുദധാരി. ജൂപിറ്റര്‍ കാപിറ്റല്‍ എന്ന വ്യവസായ സ്ഥാപനത്തിന്‍റെ സ്ഥാപകനും ഏഷ്യാനെറ്റ് ചെയര്‍മാനുമാണ്. കര്‍ണാടകത്തില്‍ നിന്നുള്ള രാജ്യസഭാംഗമായിരുന്നു. 60 വയസ്

ആറ്റിങ്ങല്‍- വി മുരളീധരന്‍. കേന്ദ്ര വിദേശ കാര്യ സഹമന്ത്രിയും ബിജെപി മുന്‍ സംസ്ഥാന പ്രസിഡന്‍റുമാണ്. ആര്‍എസ്എസിലൂടെയും എബിവിപിയിലൂടെയും പൊതുരംഗത്തെത്തി. എബിവിപി സംസ്ഥാന സെക്രട്ടറിയായിരുന്നു. എബിവിപി നേതൃത്വ രംഗത്ത് ദേശീയ തലത്തിലും പ്രവര്‍ത്തിച്ചിട്ടുണ്ട്. കണ്ണൂര്‍ തലശേരി സ്വദേശി. 66 വയസ്

പത്തനംതിട്ട- അനില്‍ ആന്‍റണി. അടുത്തയിടെ കോണ്‍ഗ്രസ് വിട്ട് ബിജെപിയിലെത്തി. കോണ്‍ഗ്രസിന്‍റെ മുതിര്‍ന്ന നേതാവ് എ കെ ആന്‍റണിയുടെ മകന്‍. കോണ്‍ഗ്രസ് ഐടി സെല്‍ കണ്‍വീനറായിരുന്നു. എന്‍ജിനീയറിംഗ് ബിരുദധാരി. 39 വയസ്

ആലപ്പുഴ- ശോഭ സുരേന്ദ്രന്‍. ബിജെപിയുടെ സമീപകാലത്തെ മികച്ച വനിതാ പ്രഭാഷക. പാര്‍ട്ടി ദേശീയ നിര്‍വ്വാഹക സമിതി അംഗം. മഹിളാ മോര്‍ച്ച സംസ്ഥാന പ്രസിഡന്‍റ്, ബിജെപി മുന്‍ സംസ്ഥാന ജനറല്‍ സെക്രട്ടറിയും വൈസ് പ്രസിഡന്‍റുമായിരുന്നു. 2019ല്‍ ആറ്റിങ്ങലില്‍ മത്സരിച്ച് 2,48000 വോട്ട് നേടി. തൃശൂര്‍ വടക്കാഞ്ചേരി സ്വദേശി. 58 വയസ്.

ബിജെപി സാരഥികള്‍

തൃശൂര്‍- സുരേഷ്‌ഗോപി. മലയാള സിനിമയിലെ സൂപ്പര്‍ സ്റ്റാര്‍. രാജ്യസഭയിലെ നോമിനേറ്റഡ് എംപിയായിരുന്നു. കഴിഞ്ഞ ലോക്‌സഭാ തെരഞ്ഞെടുപ്പിലും നിയമസഭാ തെരഞ്ഞെടുപ്പിലും തൃശൂരില്‍ നിന്ന് ജനവിധി തേടിയെങ്കിലും വിജയിക്കാനായില്ല. കൊല്ലം സ്വദേശിയും ഇംഗ്ലീഷ് സാഹിത്യത്തില്‍ ബിരുദാനന്തര ബിരുദധാരിയും. 66 വയസ്പാലക്കാട് - സി.കൃഷ്ണകുമാര്‍. ബിജെപി സംസ്ഥാന ജനറല്‍ സെക്രട്ടറി. 2000 മുതല്‍ 2020 വരെ പാലക്കാട് നഗരസഭാ വൈസ് ചെയര്‍മാനായിരുന്നു. രണ്ട് തവണ മലമ്പുഴയില്‍ നിന്ന് നിയമസഭയിലേക്ക് മത്സരിച്ചു. 2019ല്‍ മലമ്പുഴയില്‍ മത്സരിച്ച് 2,18,000 വോട്ടു നേടി. പാലക്കാട് സ്വദേശി. പൊന്നാനി- നിവേദിത സുബ്രഹ്മണ്യം. മഹിളാ മോര്‍ച്ച സംസ്ഥാന പ്രസിഡന്‍റ്. മഹിളാ മോര്‍ച്ച സംസ്ഥാന ജനറല്‍ സെക്രട്ടറിയായിരുന്നു. തൃശൂര്‍ ബാറിലെ അഭിഭാഷക. തൃശൂര്‍ സ്വദേശി.51 വയസ്.മലപ്പുറം -ഡോ. അബ്ദുള്‍സലാം. കാലിക്കറ്റ് സര്‍വ്വകലാശാല മുന്‍ വൈസ് ചാന്‍സലര്‍.

ബിജെപി സാരഥികള്‍

കോഴിക്കോട്-എംടി രമേശ്. യുവമോര്‍ച്ച സംസ്ഥാന പ്രസിഡന്‍റും എബിവിപി സംസ്ഥാന വൈസ് പ്രസിഡന്‍റുമായിരുന്നു. നിലവില്‍ ബിജെപി സംസ്ഥാന ജനറല്‍ സെക്രട്ടറിയും ബിജെപി സംസ്ഥാന വക്താവും. കഴിഞ്ഞ ലോക്‌സഭാ തെരഞ്ഞെടുപ്പിലും കോഴിക്കോട് നിന്ന് ജനവിധി തേടി. കോഴിക്കോട് തുണ്ടയില്‍ സ്വദേശി.54 വയസ്വടകര - പ്രഫുല്‍കൃഷ്ണ. യുവമോര്‍ച്ച സംസ്ഥാന പ്രസിഡന്‍റ് കണ്ണൂര്‍- സി രഘുനാഥ്. കണ്ണൂര്‍ ഡിസിസി ജനറല്‍ സെക്രട്ടറിയും ധര്‍മ്മടത്ത് കഴിഞ്ഞ നിയമസഭാ തെരഞ്ഞെടുപ്പില്‍ ബിജെപിക്കെതിരെ സ്ഥാനാര്‍ഥിയായിരുന്നു. കെപിസിസി പ്രസിഡന്‍റ് കെ സുധാകരന്‍റെ ഉറ്റ അനുയായിയായിരുന്ന അദ്ദേഹം സുധാകരനുമായുള്ള ബന്ധം വഷളായതോടെയാണ് കോണ്‍ഗ്രസ് ബന്ധം ഉപേക്ഷിച്ച് ബിജെപിയിലെത്തിയത്.

ബിജെപി സാരഥികള്‍

കാസര്‍കോട് -എം എല്‍ അശ്വിനി. മഹിളാ മോര്‍ച്ച ദേശീയ കൗണ്‍സില്‍ അംഗംവും മഞ്ചേശ്വരം ബ്ലോക്ക് പഞ്ചായത്ത് വോര്‍ക്കാടി ഡിവിഷന്‍ അംഗം പജ്വ സ്വദേശിനി.