കോട്ടയത്ത് പാറക്കുളത്തിൽ ചൂണ്ടയിടാൻ എത്തിയ 2 വിദ്യാര്‍ഥികള്‍ മുങ്ങി മരിച്ചു - TWO STUDENTS DROWNED IN A POND

ചൂണ്ടയിടാനെത്തിയ വിദ്യാര്‍ഥികള്‍ പാറക്കുളത്തില്‍ മുങ്ങി മരിച്ചു

കോട്ടയം :പാറക്കുളത്തിൽ ചൂണ്ടയിടാൻ ഇറങ്ങിയ വിദ്യാർഥികൾ മുങ്ങി മരിച്ചു. ചങ്ങനാശേരി തൃക്കൊടിത്താനം ചെമ്പുമ്പുറത്തെ പാറക്കുളത്തിൽ ചൂണ്ടയിടാൻ എത്തിയ രണ്ട് വിദ്യാർഥികളാണ് അപകടത്തില്‍പ്പെട്ടത്. പൊൻപുഴക്കുന്നിൽ താമസിക്കുന്ന പത്താം ക്ലാസ് വിദ്യാർഥി ആദർശ്, ആറാം ക്ലാസ് വിദ്യാർഥി അഭിനവ്‌ എന്നിവരാണ് മരിച്ചത്.

ചൂണ്ടയിടുന്നതിനിടെ ഒരാൾ കാൽ വഴുതി വെള്ളത്തിൽ വീണത് കണ്ട് ഒപ്പമുള്ള ആൾ രക്ഷിക്കാൻ ശ്രമിക്കുകയായിരുന്നു. ഇതിനിടെ രണ്ടുപേരും മുങ്ങിത്താഴുകയായിരുന്നു.