കോഴിക്കോട് :നന്‍മണ്ട ബ്രഹ്മകുളത്ത് റോഡിനുകുറുകെ വലിയ തണൽ മരം കടപുഴകി വീണ് സ്‌കൂട്ടര്‍ യാത്രികന് സാരമായി പരിക്കേറ്റു. കുറ്റിച്ചിറ സ്വദേശി അഷ്‌റഫിനാണ് പരിക്കേറ്റത്. അഷ്റഫിനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
ഏറെക്കാലമായി അപകട ഭീഷണി ഉയർത്തുന്ന മരമാണ് അപ്രതീക്ഷിതമായി കടപുഴകി വീണത്. ഈ സമയം ഇതുവഴി സ്‌കൂട്ടറില്‍ വന്ന അഷ്‌റഫിന്റെ ദേഹത്താണ് മരം പതിച്ചത്. സ്‌കൂട്ടറും അഷ്‌റഫും മരത്തിനടിയില്‍ കുടുങ്ങിപ്പോയി. തുടർന്ന് ഓടിയെത്തിയ നാട്ടുകാരുടെ നേതൃത്വത്തിൽ സാരമായി പരിക്കേറ്റ അഷ്റഫിനെ മരത്തിനടിയിൽ നിന്നും പുറത്തെത്തിച്ചു.