കോഴിക്കോട്:വയനാട് ഉരുള്‍പൊട്ടലില്‍ മരിച്ചവര്‍ക്കൊപ്പം നോവായി മൂന്നു വയസുകാരി സൂഫിസഫയും. ഉമ്മയ്‌ക്കൊപ്പം ചൂരൽ മലയിലെ ബന്ധുവീട്ടിലെത്തിയതായിരുന്നു സൂഫിസഫ. അന്ന് രാത്രിയാണ് ഉരുൾപൊട്ടൽ ഉണ്ടായത്.
ഇന്നലെ (ഓഗസ്റ്റ് 03) ഈ മൂന്നുവയസുകാരിയുടെ മൃതദേഹം ചാലിയാറിൽ നിന്നും കണ്ടെടുത്തു. ഉരുള്‍പൊട്ടലില്‍ കാണാതായ പന്നൂർ സ്വദേശി അബ്‌ദുള്‍ റൗഫിന്‍റെ മകളാണ് സൂഫിസഫ. ഉരുൾപൊട്ടൽ ഉണ്ടായ സമയത്ത് ചൂരൽ മലയിലെ വീട്ടിൽ 13 പേര്‍ ഉണ്ടായിരുന്നു.