കൊല്ലം: കുണ്ടറയില്‍ റെയില്‍വേ പാളത്തിന് കുറുകെ ടെലിഫോണ്‍ പോസ്റ്റ് വച്ച സംഭവത്തില്‍ പിടിയിലായ പ്രതികളെ തെളിവെടുപ്പിന് എത്തിച്ചു. കുണ്ടറ സ്വദേശികളായ രാജേഷ്, അരുണ്‍ എന്നിവരെയാണ് സംഭവം നടന്ന ട്രാക്കില്‍ ഉള്‍പ്പെടെ എത്തിച്ച് തെളിവെടുപ്പ് നടത്തിയത്.
സിസിടിവി ദൃശ്യങ്ങള്‍ കേന്ദ്രീകരിച്ച് നടത്തിയ അന്വേഷണത്തില്‍ ഇന്നലെ സന്ധ്യയോടെയാണ് പൊലീസ് പ്രതികളെ പിടികൂടിയത്. നേരത്തെ തന്നെ ക്രിമിനല്‍ പശ്ചാത്തലമുള്ള ആളുകളാണ് ഇരുവരും. കുണ്ടറയില്‍ എസ്‌ഐയെ ആക്രമിച്ച കേസിൽ പ്രതികളാണ് ഇവർ. എന്തിന് വേണ്ടിയാണ് ഇത്തരത്തില്‍ ചെയ്‌തത് എന്ന കാര്യങ്ങള്‍ പരിശോധിച്ചു വരികയാണ്.
പ്രതികളെ തെളിവെടുപ്പിന് എത്തിച്ചപ്പോള്‍ (ETV Bharat)