മത്സ്യബന്ധന വലയ്ക്ക് ഇനി മുതൽ സ്റ്റെയിൻലസ് സ്റ്റീൽ വലമണികൾ; മത്സ്യത്തൊഴിലാളികൾ ആശങ്കയില്‍

ഇയ്യത്തിൻ്റെ വലമണികൾ കടലി​ൽ അ​ലി​ഞ്ഞു​ചേ​രു​മ്പോ​ൾ ഉ​ണ്ടാ​കു​ന്ന മ​ലി​നീ​ക​ര​ണം സമുദ്രജീവികളു​ടെ നാ​ശ​ത്തി​ന് കാ​ര​ണ​മാ​കുന്നുവെന്ന് കണ്ടെത്തിയതിനെത്തുടർന്നാണ് ഈ പുതിയ രീതി അവലംബിക്കാനൊരുങ്ങുന്നത്.

കോഴിക്കോട്: മീൻപിടുത്ത വലകളിൽ ഒഴിച്ചു കൂടാൻ പറ്റാത്ത ഒന്നാണ് ഇയ്യം (വലമണി). 50 മുതൽ ആയിരം കിലോ വരെ ഇയ്യക്കട്ടികൾ ഉപയോഗിക്കുന്ന വലകൾ വരെ ഉണ്ട്. ഉപയോഗത്തിന് അനുസരിച്ച് തേയ്‌മാനം സംഭവിക്കുന്നതാണ് വലമണികൾ. ശരാശരി ആറ് മാസമൊക്കെ കഴിയുമ്പോൾ ഇത് തേയ്‌മാനം സംഭവിച്ച് പകുതിയാകും. വിഷാംശമുള്ള ഒരു വസ്‌തു കൂടിയാണ് ഇയ്യക്കട്ടികൾ.

ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാം

തു​ട​ർ​ച്ച​യാ​യി വി​ഷാം​ശം ക​ല​ർ​ന്ന ഇ​യ്യം കടലി​ൽ അ​ലി​ഞ്ഞു​ചേ​രു​മ്പോ​ൾ ഉ​ണ്ടാ​കു​ന്ന മ​ലി​നീ​ക​ര​ണം സമുദ്രജീവികളു​ടെ നാ​ശ​ത്തി​ന് കാ​ര​ണ​മാ​കുന്നു എന്നാണ് കണ്ടെത്തൽ. ഇതോടെയാണ് വലമണിക്ക് ഇയ്യത്തിന് പകരം സ്റ്റെ​യി​ൻ​ല​സ് സ്റ്റീ​ൽ എന്ന ആലോചന വന്നത്. കേ​ന്ദ്ര മ​ത്സ്യ​സാ​ങ്കേ​തി​ക ഗ​വേ​ഷ​ണ സ്ഥാ​പ​ന​മാ​യ സി​ഫ്റ്റ് (സെ​ൻ​ട്ര​ൽ ഇൻസ്റ്റിറ്റ്യൂ​ട്ട് ഓ​ഫ് ഫി​ഷ​റീ​സ് ടെക്നോ​ള​ജി) ആണ് പരീക്ഷണം നടത്തി വിജയിച്ചത്.

Fishing boat (ETV Bharat)

പു​തി​യ​ രീ​തി ഇ​ന്ത്യ​യി​ലെ മ​ത്സ്യ​ബ​ന്ധ​നത്തെ ആ​ഗോ​ള പാ​രി​സ്ഥി​തി​ക നി​ല​വാ​ര​വു​മാ​യി യോ​ജി​പ്പി​ക്കു​ക​യും സമുദ്രോ​ൽ​പ​ന്ന ക​യ​റ്റു​മ​തി വി​പ​ണി​യെ സം​ര​ക്ഷി​ക്കു​ക​യും ചെ​യ്യു​മെ​ന്ന് സി​ഫ്റ്റി​ലെ ഫി​ഷിങ് ടെ​ക്നോ​ള​ജി വിഭാഗം മേ​ധാ​വി ഡോ. ​എം​പി ര​മേ​ശ​ൻ അഭിപ്രായപ്പെട്ടു.

Fishing Harbour (ETV Bharat)

മ​ത്സ്യ​സ​മ്പ​ത്തി​നെ​യാ​കെ ബാ​ധി​ക്കു​ന്ന പ്ര​ശ്‌ന​ങ്ങളിൽ ഇടപെ​ടണമെന്നും പ​രി​സ്ഥി​തി സൗ​ഹൃ​ദ ബ​ദ​ൽ മാർഗങ്ങൾ സ്വീ​ക​രി​ക്ക​ണ​മെ​ന്നും ആ​വ​ശ്യ​പ്പെ​ട്ട് കേ​ന്ദ്ര ഫി​ഷ​റീ​സ് മ​ന്ത്രി ജോ​ർ​ജ് കു​ര്യ​ന് മ​ത്സ്യ​ത്തൊ​ഴി​ലാ​ളി സം​ഘ​ട​ന​ക​ൾ നി​വേ​ദ​നം ന​ൽ​കി​യതിന് പിന്നാലെയാണ് നൂതന രീതിയെക്കുറിച്ച് ആലോചന നടന്നത്.

Fishing Harbour (ETV Bharat)

ചി​ല വിദേശ രാ​ജ്യ​ങ്ങ​ളി​ൽ മീ​ൻപി​ടി​ത്ത​ത്തി​ന് ഇ​യ്യം ഘ​ടി​പ്പി​ച്ച വ​ല​ക​ളും ചൂ​ണ്ട​ക​ളും ഉ​പ​യോ​ഗി​ക്കു​ന്ന​ത് നിരോധിച്ചി​ട്ടു​ണ്ട്. ഇ​ന്ത്യ​യി​ലും നി​യ​ന്ത്ര​ണ​ങ്ങ​ൾ​ക്ക് സാ​ധ്യ​ത​യു​ള്ള​തി​നാ​ൽ പ​ക​ര​മാ​യി സ്റ്റെ​യി​ൻ​ലെ​സ് സ്റ്റീ​ൽ വലമണി​ക​ൾ ന​ട​പ്പാ​ക്കാ​നു​ള്ള പ​ദ്ധ​തി കേ​ന്ദ്ര ഫി​ഷ​റീ​സ് മ​ന്ത്രാ​ല​യ​ത്തി​ൻ്റെ അ​നു​മ​തി​ക്കാ​യി സി​ഫ്റ്റ് സമർപ്പിച്ചിരിക്കുകയാണ്.

Fisherman (ETV Bharat)

പുതിയ രീതി ദുഷ്‌കരമാകുമെന്ന് സ്വതന്ത്ര മത്സ്യത്തൊഴിലാളി യൂണിയൻ

എന്നാൽ സ്റ്റീൽ വലമണികളുടെ ഭാരം, വലിപ്പം എന്നിവയിൽ ഇയ്യവലമണിക്ക് സമാനമല്ലെങ്കിൽ ഉപയോഗം ദുഷ്‌കരമാകുമെന്ന് സ്വതന്ത്ര മത്സ്യത്തൊഴിലാളി യൂണിയൻ സംസ്ഥാന പ്രസിഡൻ്റ് ജാക്‌സൻ പൊള്ളയിൽ പറഞ്ഞു. ഇയ്യക്കട്ടികൾ തമ്മിലുരസിയാൽ ശബ്‌ദമുണ്ടാകില്ല. എന്നാൽ സ്റ്റീൽ മണികൾ ശബ്‌ദമുണ്ടാകുന്ന രീതിയിൽ ആണെങ്കിൽ അത് മത്സ്യബന്ധനത്തെ ബാധിക്കും.

Fish Hunting (ETV Bharat)

പുതിയ രീതി ഉപയോഗ യോഗ്യമായാൽ തന്നെ മാറ്റം വരുത്താൻ സമയം അനുവദിക്കണമെന്നും അദ്ദേഹം ആവശ്യപ്പെട്ടു. പുതിയ രീതി സ്വാഗതാർഹമാണെന്നും എന്നാൽ ഇയ്യ വലമണികൾ മാറ്റുമ്പോൾ ഉണ്ടാകുന്ന നഷ്‌ടം സഹിക്കാൻ സർക്കാർ സഹായം അനുവദിക്കണമെന്നും മത്സ്യത്തൊഴിലാളിയായ ശിവജി ആവശ്യപ്പെട്ടു.