ഇടുക്കി:മനോഹരമായ കൈയ്യക്ഷരം ഏവരുടേയും സ്വപ്‌നമാണ്. എന്നാൽ ഇരുകൈകള്‍ കൊണ്ടും ഒരേസമയം മനോഹരമായി എഴുതാന്‍ സാധിയ്ക്കുമെങ്കിലോ. അതിവേഗതയില്‍ ഇരുകൈകള്‍കൊണ്ടും എഴുതുന്ന ഒരു കൊച്ചു മിടുക്കിയുടെ വിശേഷങ്ങളാണ് ഇനി. ഇത് ഇടുക്കി നെടുങ്കണ്ടം തേര്‍ഡ് ക്യാമ്പ് സ്വദേശിയായ ശ്രീലക്ഷ്‌മി സന്തോഷ്.
കല്ലാര്‍ ഗവ ഹയര്‍ സെക്കൻ്ററി സ്‌കൂളിലെ എട്ടാം ക്ലാസ് വിദ്യാര്‍ഥിനി. ശ്രീലക്ഷ്‌മി അക്ഷരം പഠിച്ച് തുടങ്ങിയ കാലം മുതല്‍, ഇരുകൈകള്‍കൊണ്ടും എഴുതും. വലത് കൈ ഉപയോഗിച്ച് വലത്തോട്ട് എഴുതുമ്പോള്‍ ഇടത് കൈ ഉപയോഗിച്ച് ഇടത്തോട്ടാണ് എഴുത്ത്. ഇടത് കൈ ഉപയോഗിച്ച് എഴുതുന്ന അക്ഷരങ്ങള്‍ നേരെ വായിക്കാന്‍ സാധിയ്ക്കില്ല.
ഒരേസമയം ഇരുകൈകൾകൊണ്ടും എഴുതുന്ന ഇടുക്കി സ്വദേശിയായ ശ്രീലക്ഷ്‌മി (ETV Bharat)