തിരുവനന്തപുരം :പി ജയരാജനും മകനുമെതിരെ സിപിഎം മുന്‍ ജില്ലാ കമ്മിറ്റി അംഗം മനു തോമസ് നടത്തിയ വെളിപ്പെടുത്തല്‍ , ശൂന്യവേളയിൽ ഉന്നയിക്കാനുള്ള അനുമതി നിഷേധിച്ച് സ്‌പീക്കർ. സണ്ണി തോമസ് എംഎൽഎയായിരുന്നു സഭ നിർത്തിവച്ച് വിഷയം ചർച്ച ചെയ്യാൻ ആവശ്യപ്പെട്ടത്. അടിയന്തര പ്രമേയത്തിന് അനുമതി തേടി നോട്ടിസും നൽകി.
എന്നാൽ ചട്ടം 52(5) പ്രകാരം അഭ്യൂഹങ്ങളും വാദങ്ങളും ചർച്ചയാക്കാനാകില്ലെന്ന് ചൂണ്ടിക്കാട്ടി പാർലമെന്‍ററി കാര്യ മന്ത്രി കൂടിയായ എംബി രാജേഷ്, ആദ്യം തന്നെ തടസം ഉന്നയിച്ചു. ഇതേ ചട്ടം വിശദീകരിച്ച് സ്‌പീക്കർ എഎൻ ഷംസീർ അനുമതി നിഷേധിക്കുകയായിരുന്നു.