ആലുവ അദ്വൈതാശ്രമത്തില്‍ പരിഭ്രാന്തി പടർത്തിയ മലമ്പാമ്പിനെ പിടി കൂടി (Source : Etv Bharat Network)
എറണാകുളം : ആലുവ അദ്വൈതാശ്രമത്തില്‍ പരിഭ്രാന്തി പടർത്തിയ മലമ്പാമ്പിനെ പിടി കൂടി. ഇന്ന് (10-05-2024) രാവിലെ പെരിയാറിലേക്കുളള കാനയിലൂടെയാണ് മലമ്പാമ്പ് ആശ്രമത്തിൽ എത്തിയതെന്നാണ് കരുതുന്നത്. ആശ്രമത്തിലെ മതിലിനരികിൽ കിടന്ന പാമ്പിനെ കാക്കകൾ ആക്രമിച്ചതോടെ മലമ്പാമ്പ് സമീപത്തെ മരത്തിൽ കയറി ചുറ്റി കിടക്കുകയായിരുന്നു. ഇതോടെയാണ് ആശ്രമത്തിലെ ജീവനക്കാർ പാമ്പിനെ കണ്ടത്. തുടർന്ന് ആശ്രമ അധികൃതർ സഹായം തേടി പൊലീസിനെ സമീപിക്കുകയായിരുന്നു.
പൊലീസ് കോടനാട് വനം വകുപ്പ് ഉദ്യോഗസ്ഥരെ വിവരമറിയിച്ചു. വനം വകുപ്പുമായി സഹകരിച്ച് പ്രവർത്തിക്കുന്ന, പരീശീലനം ലഭിച്ച ആലുവ സ്വദേശിയായ പാമ്പ് പിടിത്തക്കാരൻ ഷൈനിനെ ഇവിടേക്ക് അയച്ചു. ഷൈൻ കൊടിൽ ഉപയോഗിച്ച് പാമ്പിനെ മരത്തിൽ നിന്നും താഴെയിറക്കി.