തിരുവനന്തപുരം: തിരുവനന്തപുരം മടവൂരില്‍ സ്‌കൂള്‍ ബസ് കയറി രണ്ടാം ക്ലാസുകാരിക്ക് ദാരുണാന്ത്യം. മടവൂര്‍ ഗവ എല്‍ പി സ്‌കൂളിലെ വിദ്യാർഥി കൃഷ്ണേന്ദു (6) ആണ് മരിച്ചത്. ഇന്ന് വൈകിട്ട് 4 മണിയോടെ വർക്കല മടവൂർ ചാലിലാണ് ദാരുണ സംഭവം.
ബസിൽ നിന്നും പുറത്തിറങ്ങിയ ശേഷം വീട്ടിലേക്ക് പോകാനായി വാഹനത്തിന്‍റെ മുൻ വശത്തു കൂടി കൃഷ്ണേന്ദു റോഡ് മുറിച്ചു കടക്കുന്നതിനിടെയാണ് അപകടമുണ്ടായത്. ബസിന്‍റെ പിൻ ചക്രങ്ങൾ കുട്ടിയുടെ ശരീരത്തിലൂടെ കയറിയിറങ്ങുകയായിരുന്നു.