എറണാകുളം:പൂക്കോട് വെറ്ററിനറി കോളജിലെ സിദ്ധാ‍ർഥിന്‍റെ മരണവുമായി ബന്ധപ്പെട്ട കേസിലെ പ്രാഥമിക കുറ്റപത്രം സിബിഐ ഹൈക്കോടതിയിൽ ഹാജരാക്കി. പകർപ്പ് പ്രതികൾക്ക് നൽകാനും കോടതി നിർദേശിച്ചു. കേസിലെ എട്ട് പ്രതികളുടെ ജാമ്യാപേക്ഷകൾ ഹൈക്കോടതി വെളളിയാഴ്‌ചത്തേക്ക് മാറ്റി.
സിദ്ധാർത്ഥൻ നേരിട്ടത് ക്രൂരമായ ആക്രമണമാണെന്നും പ്രതികൾക്കെതിരെയുള്ള ആരോപണങ്ങൾ ഗുരുതരമാണെന്നും സിബിഐ നേരത്തെ കോടതിയെ അറിയിച്ചിരുന്നു. അതേസമയം ശരിയായ നടപടിക്രമങ്ങൾ പാലിക്കാതെയാണ് കുറ്റപത്രം സമർപ്പിച്ചതെന്നും 60 ദിവസമായി ജുഡീഷ്യൽ കസ്റ്റഡിയിൽ തുടരുകയാണെന്നും ജാമ്യം നൽകണമെന്നുമാണ് ഹർജിക്കാരുടെ വാദം. വിദ്യാർത്ഥികളായ തങ്ങളുടെ ഭാവി കണക്കിലെടുക്കണമെന്നും ഇവർ വാദമുന്നയിച്ചിരുന്നു.