Published : Nov 4, 2024, 11:58 AM IST
വയനാട്:തോൽക്കുമെന്നുള്ള ഭയപ്പാട് ഉള്ളതിനാലാണ് രാഹുലും പ്രിയങ്കയും മണ്ഡലത്തിൽ നിറസാന്നിധ്യമാകുന്നതെന്ന് വയനാട് ലോക്‌സഭ മണ്ഡലം എൽഡിഎഫ് സ്ഥാനാർഥി സത്യൻ മൊകേരി. മൂന്നാംഘട്ട പ്രചാരണം പൂർത്തിയാക്കി ഇനി പരസ്യപ്രചാരണമാണ് ഉള്ളതെന്ന് അദ്ദേഹം പറഞ്ഞു.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
തിരുവമ്പാടിയിൽ നിന്ന് ആരംഭിച്ച് ഇന്ന് ഏറനാടിൻ്റെ വിവിധ ഭാഗങ്ങളിൽ ക്യാമ്പയിൻ നടത്തുന്നതായിരിക്കും. ആവേശപൂർവമായാണ് ജനങ്ങൾ സ്വീകരിക്കുന്നത്. ഇപ്പോഴത്തെ അന്തരീക്ഷം എന്ന് പറയുന്നത് 2014ലേത് പോലെയാണ്. ജനങ്ങളോടൊപ്പമുള്ള സ്ഥാനാർഥി ജയിക്കണമെന്നാണ് ജനങ്ങൾ കരുതുന്നത്.
എന്നാൽ മാത്രമേ ഈ മണ്ഡലത്തിലെ ആവശ്യങ്ങളും പുറത്തു അറിയൂ എന്ന ചിന്താഗതി പൊതുവേ വോട്ടർമാരിൽ വളർന്നുവരുന്നുണ്ട്. എൽഡിഎഫിൻ്റെ പ്രവർത്തനങ്ങളിൽ കോൺഗ്രസിനും ബിജെപിക്കും ഭയപ്പാടുണ്ടായിട്ടുണ്ട്. മണ്ഡലത്തിൽ അനുകൂലമായ സാഹചര്യമാണ് ഇപ്പോഴുളളതെന്ന് അദ്ദേഹം പറഞ്ഞു.