സംസ്ഥാനത്തെ റേഷൻ വിതരണം പ്രതിസന്ധിയിൽ (ETV Bharat)
കോഴിക്കോട് :സംസ്ഥാനത്തെ റേഷൻ വിതരണം സ്‌തംഭനാവസ്ഥയിലേക്ക്. റേഷൻ സാധനങ്ങൾ എത്തിക്കുന്ന ലോറി ഉടമകളും കരാർ തൊഴിലാളികളും സമരം പ്രഖ്യാപിച്ചിരിക്കുകയാണ്. കരാറുകാർക്ക് 83 കോടിയിലധികം രൂപയാണ് സർക്കാർ നൽകാനുള്ളത്.
കുടിശ്ശിക ലഭിച്ചാൽ മാത്രമേ സമരത്തിൽ നിന്ന് പിന്മാറുകയുള്ളൂ എന്ന നിലപാടിൽ ഉറച്ചുനിൽക്കുകയാണ് കരാറുകാർ. കഴിഞ്ഞ ഒരാഴ്‌ചയായി കരാറുകാർ നടത്തി വരുന്ന സമരത്തിൻ്റെ ഭാഗമായി സംസ്ഥാനത്തിൻ്റെ വിവിധ പ്രദേശങ്ങളിലെ പതിനായിരത്തോളം വരുന്ന കടകളിൽ പലതിലും റേഷൻ വിതരണം താളം തെറ്റി. സമരം രണ്ടുദിവസം കൂടി നീണ്ടുനിൽക്കുകയാണെങ്കിൽ സംസ്ഥാനത്തെ റേഷൻ വിതരണം പൂർണമായും നിലയ്‌ക്കും.