തിരുവനന്തപുരം :സംസ്ഥാനത്ത് വരും മണിക്കൂറുകളിൽ അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. മഴ മുന്നറിയിപ്പിനെ തുടർന്ന് പത്തനംതിട്ടയില്‍ ഇന്ന് റെഡ് അലർട്ടാണ്. തിരുവനന്തപുരം, ഇടുക്കി, മലപ്പുറം, കോഴിക്കോട് ജില്ലകളിൽ ഇന്ന് ഓറഞ്ച് അലര്‍ട്ടും പ്രഖ്യാപിച്ചിട്ടുണ്ട്.
കൊല്ലം, ആലപ്പുഴ, കോട്ടയം, എറണാകുളം, തൃശൂർ, പാലക്കാട്, വയനാട്, കണ്ണൂർ, കാസര്‍കോട് ജില്ലകളില്‍ യെല്ലോ അലര്‍ട്ടാണ് ഇന്ന് പ്രഖ്യാപിച്ചിരിക്കുന്നത്. വരും ദിവസങ്ങളിലും സംസ്ഥാനത്ത് ശക്തമായ മഴ തുടരുമെന്നാണ് കാലാവസ്ഥ നിരീക്ഷണകേന്ദ്രം നല്‍കുന്ന വിവരം. കാലവർഷം അടുത്ത 36 മണിക്കൂറിനുള്ളിൽ തെക്കൻ കിഴക്കൻ ബംഗാൾ ഉൾക്കടൽ, തെക്കൻ ആൻഡമാൻ കടൽ, നിക്കോബർ ദ്വീപ് എന്നിവിടങ്ങളിൽ എത്തിച്ചേരാനാണ് സാധ്യത. ഇത് മെയ് 31ഓടെ കേരളത്തില്‍ എത്തിച്ചേര്‍ന്നേക്കുമെന്നാണ് നിരീക്ഷണം.
ചക്രവാതചുഴി തെക്കൻ തമിഴ്‌നാടിന് മുകളിലായി നിലനിൽക്കുകയാണ്. തെക്കൻ ഛത്തീസ്‌ഗഢിൽ നിന്ന് തെക്കൻ കർണാടക വരെ ന്യൂനമർദ പാത്തി രൂപപ്പെട്ടു. മറ്റൊരു ന്യൂനമർദ പാത്തി മറാത്തുവാഡയിൽ നിന്ന് തെക്കൻ തമിഴ്‌നാട് വഴി ചക്രവാതചുഴിയിലേക്ക് നീണ്ടുനിൽക്കുകയാണ്.
ഇതിന്‍റെ ഫലമായി കേരളത്തിൽ അടുത്ത ഏഴ് ദിവസം ഇടി, മിന്നൽ, മണിക്കൂറില്‍ 50 കിമീ വേഗതയില്‍ കാറ്റ് ഉള്‍പ്പടെയുള്ള മഴയ്‌ക്കാണ് സാധ്യത. ഇന്ന് മുതല്‍ മെയ് 22 വരെ കേരളത്തിലെ ഒറ്റപ്പെട്ട സ്ഥലങ്ങളില്‍ അതിശക്തമായ മഴയ്ക്ക് സാധ്യതയുണ്ടെന്നാണ് പ്രവചനം. വരും ദിവസങ്ങളിലെ കാലാവസ്ഥ പ്രവചനം...
- മെയ് 20
റെഡ് അലര്‍ട്ട് :പത്തനംതിട്ട, കോട്ടയം, ഇടുക്കി
ഓറഞ്ച് അലര്‍ട്ട് : തിരുവനന്തപുരം, കൊല്ലം, ആലപ്പുഴ, എറണാകുളം