കോട്ടയം:പാലക്കാട് നിയമസഭ തെരഞ്ഞെടുപ്പില്‍ ചരിത്ര വിജയം നേടിയതിന് പിന്നാലെ പുതുപ്പള്ളിയിലെ ഉമ്മന്‍ചാണ്ടിയുടെ കല്ലറ സന്ദര്‍ശിച്ച് രാഹുൽ മാങ്കൂട്ടത്തില്‍. രാഹുലും കോണ്‍ഗ്രസ് പ്രവര്‍ത്തകരും കല്ലറയില്‍ പുഷ്‌പാര്‍ച്ചന നടത്തി. ഉമ്മൻ ചാണ്ടിയുടെ കല്ലറ വൈകാരികമായി അടുപ്പമുള്ളയിടമാണെന്ന് രാഹുല്‍ പറഞ്ഞു.
പാലക്കാട്ടേത് ജനങ്ങളുടെ വിജയമാണെന്നും വർഗീയ ശക്തികളുടെ വോട്ട് വാങ്ങിയിട്ടില്ലെന്നും രാഹുല്‍ മാങ്കൂട്ടത്തില്‍ വ്യക്തമാക്കി. എസ്‌ഡിപിഐയെ ശക്തമായി എതിർത്തിട്ടുള്ളത് മുസ്‌ലിം ലീഗാണെന്നും രാഹുല്‍ ചൂണ്ടിക്കാട്ടി. ലീഗിൻ്റെ മറവിൽ എസ്‌ഡിപിഐ പ്രവർത്തിക്കുമെന്ന് കരുതുന്നില്ല.
പുതുപ്പള്ളിയില്‍ ഉമ്മൻ ചാണ്ടിയുടെ കല്ലറയില്‍ പുഷ്‌പാര്‍ച്ചന നടത്തി രാഹുല്‍ മാങ്കൂട്ടത്തില്‍ (ETV Bharat)