മാഹിയില്‍ നാളത്തെ ജനാധിപത്യ വിധിയെഴുത്ത് വനിതകളുടെ മേല്‍നോട്ടത്തില്‍
കണ്ണൂര്‍: തെരഞ്ഞെടുപ്പ് ചരിത്രത്തിലെ ധന്യ മുഹൂര്‍ത്തത്തിനാണ് മാഹി നിയമസഭ മണ്ഡലം സാക്ഷ്യം വഹിക്കുന്നത്. ലോക്‌സഭ തെരഞ്ഞെടുപ്പില്‍ ഇത്തവണത്തെ തെരഞ്ഞെടുപ്പ് നിയന്ത്രിക്കുന്നത് പൂര്‍ണ്ണമായും വനിതകളാണ്. വനിതാ ഓഫീസര്‍മാരുടെ നിയന്ത്രണത്തിലാണ് പുതുച്ചേരി മണ്ഡലത്തിലെ ജനാധിപത്യത്തിന്‍റെ വിധിയെഴുത്ത് മാഹിയില്‍ നടക്കുന്നത്.
ഒരു മാതൃകാ ബൂത്തും 28 വയസ്സില്‍ താഴെയുളളവര്‍ക്കായുളള ഒരു യൂത്ത് ബൂത്തും ഉള്‍പ്പെടെ എല്ലാം വനിതകള്‍ നിയന്ത്രിക്കും. ഏഴ് പ്രശ്‌നബാധിത ബൂത്തുകളിലും പുരുഷ സാനിധ്യം ഉണ്ടാവില്ല. ഇവിടേയും വനിതാ ഓഫീസര്‍മാര്‍ നിയന്ത്രണം ഏറ്റെടുത്തു കഴിഞ്ഞു. സിസിടിവി ക്യാമറയുടെ നിരീക്ഷണത്തിലാണ് എല്ലാ ബൂത്തുകളും.