സ്റ്റൈഫൻ്റ് വിതരണം മുടങ്ങി, പിജി ഡോക്‌ടർമാരുടെ സമരം
ആലപ്പുഴ: സ്‌റ്റൈപൻ്റ് വിതരണം മുടങ്ങിയതില്‍ പ്രതിഷേധിച്ച്‌ ആലപ്പുഴ മെഡിക്കൽ കോളജാശുപത്രിയിൽ പിജി ഡോക്‌ടർമാർ. ആശുപത്രിയിലെ 234 ഓളം പി ജി ഡോക്‌ടർമാരാണ് വെള്ളിയാഴ്‌ച രാവിലെ മുതൽ സമരമാരംഭിച്ചത്. എല്ലാ മാസവും പത്താം തീയതിയോടെ ലഭിക്കുന്ന സ്‌റ്റൈപൻ്റ് 19 ആയിട്ടും ലഭിക്കാതെ വന്നതോടെയാണ് പിജി ഡോക്‌ടർമാർ സമരത്തിനിറങ്ങിയത്.
സോഫ്റ്റ് വെയർ തകരാറ് മൂലമാണ് സ്‌റ്റൈപൻ്റ് മുടങ്ങിതെന്ന് അധികൃതർ പറയുന്നു. എന്നാൽ മറ്റ് റസിഡൻ്റ് ഡോക്‌ടർമാർക്കും ജീവനക്കാർക്കുമെല്ലാം നേരത്തെ ശമ്പളം ലഭിച്ചു. ഇതാദ്യമായാണ് ഇത്രയും വൈകി സ്‌റ്റൈപൻ്റ് മുടങ്ങുന്നതെന്ന് പിജി ഡോക്‌ടർമാർ പറയുന്നു.