തിരുവനന്തപുരം: പത്തനംതിട്ട എൻഡിഎ സ്ഥാനാർഥി അനിൽ ആന്‍റണി ജഗതി ഗവ. ഹൈസ്‌കൂളിൽ ബൂത്ത്‌ നമ്പർ 90 ൽ വോട്ട് രേഖപ്പെടുത്തി. 7.45 -ഓടെയാണ് അനിൽ ആന്‍റണി പ്രവർത്തകർക്കൊപ്പം വോട്ട് രേഖപ്പെടുത്താനായി എത്തിയത്.
നാലര ലക്ഷം വോട്ടുകൾ തനിക്ക് ലഭിക്കുമെന്ന് വോട്ട് രേഖപ്പെടുത്തിയ ശേഷം അനില്‍ ആന്‍റണി മാധ്യമങ്ങളോട് പറഞ്ഞു. പത്തനംതിട്ടയിൽ വലിയ ഭൂരിപക്ഷം ലഭിക്കും. എൽഡിഎഫിനും യുഡിഎഫിനും എതിരെ ജനവികാരം ഉണ്ട്. ആന്‍റോ ആന്‍റണി സംസാരിക്കുന്നത് പരാജിതന്‍റെ ഭാഷയിലാണ്.