ദൗത്യ സംഘത്തിനുനേരെ കാട്ടാന
വയനാട്‌ : ദൗത്യ സംഘത്തിനുനേരെ തിരിഞ്ഞ് ബേലൂർ മഖ്‌നയ്ക്ക് ഒപ്പമുള്ള മോഴയാന. ബാവലി വനമേഖലയിൽ മയക്കുവെടി ടീമിന് നേരെ ആന പാഞ്ഞടുത്തു. വെടിയുതിർത്ത് ശബ്‌ദമുണ്ടാക്കി തുരത്തി ആർആർടി. രണ്ടാനകള്‍ കാഴ്‌ചയില്‍ ഒരു പോലെയിരിക്കുന്നതും ദൗത്യസംഘത്തിന് വലിയ വെല്ലുവിളിയായിരുന്നു. കഴുത്തില്‍ റേഡിയോ കോളറില്ലെങ്കില്‍ കര്‍ഷകനെ കൊന്ന ബേലൂര്‍ മഖ്‌നയെ തിരിച്ചറിയാന്‍ കഴിയില്ല. രണ്ടാനകളും ഒരുമിച്ചുള്ള സഞ്ചാരം ദൗത്യസംഘത്തിന് ആശങ്കയായി.
കാട്ടില്‍ മറ്റ് ആനകളെ കണ്ടിരുന്നെങ്കിലും ചൊവ്വാഴ്‌ചയാണ് മറ്റൊരു മോഴ ശ്രദ്ധയില്‍പ്പെടുന്നത്. കുറ്റിക്കാടായതിനാല്‍ തന്നെ മൂന്നുദിവസമായി ആനയെ മയക്കുവെടിവയ്ക്കാ‌ന്‍ കഴിയുന്നില്ല. ഒപ്പം രണ്ടാനകളുടെയും സഞ്ചാരം ഒരുമിച്ചായതോടെ കൂടുതല്‍ പ്രതിസന്ധി സൃഷ്‌ടിച്ചിരിക്കുകയാണ്.