മലപ്പുറം: വിദേശത്ത് ജോലി വാഗ്‌ദാനം ചെയ്‌ത് കോടികൾ തട്ടിയതായി പരാതി. നിലമ്പൂർ കാട്ടുമുണ്ട സ്വദേശി ജാഷിദിനെതിരെയാണ് കേരളത്തിലുടനീളം കേസുകള്‍ രജിസ്റ്റർ ചെയ്‌തിട്ടുള്ളത്.
ഫേസ്ബുക്കില്‍ പരസ്യം കണ്ട് യുവാക്കള്‍ ജാഷിദിനെ സമീപിക്കുകയായിരുന്നു. വിസ പ്രൊസസിങ് ആരംഭിച്ചുവെന്ന് വിശ്വസിപ്പിച്ച ശേഷം യുവാക്കളില്‍ നിന്ന് പണം തട്ടുകയായിരുന്നു. കേരളത്തിലെ വിവിധ പൊലീസ് സ്റ്റേഷനുകളിലായി ഇയാള്‍ക്കെതിരെ ധാരാളം പരാതികള്‍ രജിസ്റ്റര്‍ ചെയ്‌തിട്ടുണ്ട്.
Man duped crores rupees offering job abroad (ETV)
23 യുവാക്കളാണ് നിലവിൽ മലപ്പുറം എസ്‌പിക്ക് പരാതി നൽകിയിരിക്കുന്നത്. ഇവരെക്കൂടാതെ നൂറോളംപേർ തട്ടിപ്പിനിരയായതായും പറയപ്പെടുന്നു. ജോലിയും വിസയും ലഭ്യമാകാതെ വന്നതോടെയാണ് ഇവർ പരാതിയുമായി മുന്നോട്ടു വന്നത്.