അപകടകരമായ രീതിയിൽ വാഹനമോടിക്കുന്നു (ETV Bharat)
ഇടുക്കി :സുരക്ഷ മാനദണ്ഡങ്ങള്‍ പാലിക്കാതെ മൂന്നാറില്‍ ദേശിയപാതയിലൂടെ അപകടകരമായ രീതിയിൽ വാഹനമോടിച്ച സംഭവത്തില്‍ നടപടിയുമായി മോട്ടോര്‍ വാഹനവകുപ്പ്. യുവാക്കള്‍ ഓടിച്ച വാഹനം മോട്ടോര്‍ വാഹനവകുപ്പ് പിടിച്ചെടുത്ത് ശാന്തമ്പാറ പൊലീസിന് കൈമാറി. ബൈസൺവാലി സ്വാദേശിയുടെ വാഹനമാണ് കസ്‌റ്റഡിയിൽ എടുത്തത്.
വാഹനം ഓടിച്ചിരുന്നയാള്‍ക്ക് തിങ്കളാഴ്‌ച മോട്ടോര്‍ വാഹനവകുപ്പിന് മുമ്പാകെ ഹാജരാകാന്‍ ആവശ്യപ്പെട്ട് നോട്ടിസ് അയച്ചിട്ടുണ്ട്. വാഹന ഉടമയോടും ഹിയറിങ്ങിനു ഹാജരാജൻ നിർദേശം നൽകിയിട്ടുണ്ട്. വാഹനമോടിച്ചിരുന്നയാളുടെ ലൈസന്‍സ് നിശ്ചിത കാലയളവിലേക്ക് റദ്ദ് ചെയ്യുമെന്നും വാഹനത്തിന്‍റെ രജിസ്‌ട്രേഷൻ മരവിപ്പിക്കുമെന്നുമാണ് മോട്ടോര്‍ വാഹനവകുപ്പ് നൽകുന്ന വിവരം. സംഭവത്തില്‍ ശാന്തൻപാറ പൊലീസും കേസ് രജിസ്‌റ്റര്‍ ചെയ്‌തിട്ടുണ്ട്.