തിരുവനന്തപുരം: നെടുമങ്ങാട്ടില്‍ സ്വയം കഴുത്തറുത്ത് ആത്മഹത്യയ്ക്ക് ശ്രമിച്ച യുവാവ് മരിച്ചു. നെടുമങ്ങാട് കല്ലിയോട് ജംഗ്ഷന്‌ സമീപം നുജും എന്നയാളുടെ ഫ്ലാറ്റിൽ വാടകയ്ക്ക് താമസിക്കുന്ന വിതുര മരുതാമല സിൽക്കി നഗറിൽ വിശാഖം വീട്ടിൽ സ്‌മിതേഷ് (38) ആണ് മരിച്ചത്.
കാട്ടാക്കടയില്‍ ടയർ പഞ്ചർ കട നടത്തുന്ന സ്‌മിതേഷ് ഇന്ന് ഭാര്യയുമായി വഴക്കുണ്ടാക്കിയ ശേഷം വീട്ടിൽ ഇരുന്ന കത്തിയെടുത്ത് സ്വന്തമായി കഴുത്തിൽ മുറിവേൽപ്പിക്കുകയായിരുന്നുവെന്ന്‌ പൊലീസ് പറഞ്ഞു. ഇത് കണ്ട സ്‌മിതേഷിൻ്റെ ഭാര്യ അശ്വതി നിലവിളിച്ച് തൊട്ടടുത്ത ഫ്ലാറ്റിൽ താമസിക്കുന്നവരുടെ സഹായത്തോടെ നെടുമങ്ങാട് ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.