തിരുവനന്തപുരം: മദ്രസയില്‍ മത പഠനത്തിന് എത്തിയ 15 കാരനെ പീഡനത്തിന് വിധേയനാക്കിയ ഉസ്‌താദിനെ വിവിധ വകുപ്പുകളിലായി 86 വര്‍ഷം കഠിന തടവിനും രണ്ട് ലക്ഷം രൂപ പിഴക്കും ശിക്ഷിച്ചു. പിഴ ഒടുക്കിയില്ലെങ്കില്‍ ഒരു വര്‍ഷം അധിക തടവ് അനുഭവിക്കണം. പീഡന വിവരം മറച്ചുവച്ച കുറ്റത്തിന് മറ്റൊരു അധ്യാപകന് ആറ് മാസം കഠിന തടവിനും 10,000 രൂപയും ശിക്ഷയുണ്ട്.
സ്ത്രീകള്‍ക്കും കുട്ടികള്‍ക്കും എതിരായ അതിക്രമങ്ങള്‍ വിചാരണ ചെയ്യുന്ന പോക്‌സോ കോടതി ജഡ്‌ജി എംപി ഷിബുവാണ് പ്രതികളെ ശിക്ഷിച്ചത്. നെടുമങ്ങാട് മാങ്കോട് കടക്കള്‍ കാഞ്ഞിരത്തിന്‍മൂട് ബിസ്‌മി ഭവനില്‍ സിദ്ദിഖാണ് ഒന്നാം പ്രതിയായ ഉസ്‌താദ്, നെടുമങ്ങാട് തൊളിക്കോട് കരീബ ഓഡിറ്റോറിയത്തിന് സമീപം ജാസ്‌മിന്‍ വില്ലയില്‍ മുഹമ്മദ് ഷമീറാണ് രണ്ടാം പ്രതി.