പത്തനംതിട്ട : തെരഞ്ഞെടുപ്പ് പെരുമാറ്റ ചട്ടലംഘനം നടത്തിയെന്ന് ആരോപിച്ച്‌ പത്തനംതിട്ട മണ്ഡലത്തിലെ എല്‍ഡിഎഫ് സ്ഥാനാർഥി തോമസ് ഐസക്കിനെതിരെ യുഡിഎഫ് തെരഞ്ഞെടുപ്പ് കമ്മിഷന് വീണ്ടും പരാതി നല്‍കി. കുടുംബശ്രീയുടെ പേരില്‍ ലഘുലേഖകള്‍ അടക്കം തയാറാക്കി വോട്ട് തേടുന്നു എന്ന് ആരോപിച്ച്‌ ഡിസിസി പ്രസിഡന്‍റ് സതീഷ് കൊച്ചു പറമ്പിലാണ് പരാതി നല്‍കിയത്.
നേരത്തെ തെരഞ്ഞെടുപ്പ് ചട്ടലംഘന പരാതിയില്‍ തോമസ് ഐസക്കിനെ ജില്ല വരണാധികാരി താക്കീത് ചെയ്‌തിരുന്നു. ഇത് തെരഞ്ഞെടുപ്പ് ചട്ട ലംഘനമാണെന്നും ഇനി സര്‍ക്കാര്‍ പരിപാടികളില്‍ പങ്കെടുക്കരുതെന്നും അന്ന് നിർദേശിച്ചിരുന്നു.