എറണാകുളം:കെപിസിസി അധ്യക്ഷന്‍ കെ സുധാകരന്‍ എംപിയുടെ എക്‌സ് അക്കൗണ്ട് ഹാക്ക് ചെയ്‌തു. @SudhakaranINC എന്ന വെരിഫൈഡ് അക്കൗണ്ടാണ് ഹാക്ക് ചെയ്യപ്പെട്ടത്. സംഭവത്തില്‍ നിയമ നടപടി സ്വീകരിക്കണമെന്ന് ആവശ്യപ്പെട്ട് കെ സുധാകരന്‍ ഡിജിപിക്ക് പരാതി നല്‍കി.
പേജിന്‍റെ പാസ്‌വേഡ് ഉള്‍പ്പെടെ ഹാക്കര്‍ മാറ്റിയിട്ടുണ്ട്. പേജിന്‍റെ നിയന്ത്രണം വീണ്ടെടുക്കാന്‍ ഇതുവരെ സാധിച്ചിട്ടില്ല. കെ.സുധാകരന്‍ എന്ന പേരും പ്രൊഫൈല്‍ ചിത്രവും മാറ്റിയ നിലയിലാണ്. പേജില്‍ കെ സുധാകരന്‍ എന്ന പേരിന്‍റെ സ്ഥാനത്ത് ഒന്ന് എന്ന അക്കമാണുള്ളത്.