കോഴിക്കോട് :ആംബുലൻസ് ട്രാൻസ്‌ഫോർമർ പോസ്റ്റിലിടിച്ച് കത്തി രോഗി വെന്തുമരിച്ച സംഭവത്തിൽ ഡ്രൈവർക്കെതിരെ കേസെടുത്തു. അമിത വേഗതയും അശ്രദ്ധമായി വാഹനമോടിച്ചതുമാണ് അപകട കാരണമെന്ന് പൊലീസ് പറയുന്നു. മിംസിൽ ചികിത്സയിൽ കഴിയുന്ന ഡ്രൈവർ അർജുന്‍റെ മൊഴി മെഡിക്കൽ പൊലീസ് രേഖപ്പെടുത്തി.
ഇന്ന് പുലർച്ചെ മൂന്നരയോടെയാണ് കോഴിക്കോട് നഗരത്തിൽ ദാരുണസംഭവം നടന്നത്. നാദാപുരം സ്വദേശി സുലോചന (57) ആണ് മരിച്ചത്. മലബാർ മെഡിക്കൽ കോളജിൽനിന്നും ശസ്‌ത്രക്രിയയ്‌ക്കായി സുലോചനയെ മിംസ് ആശുപത്രിയിലേക്ക് മാറ്റുന്നതിനിടെയാണ് സംഭവം. മിംസ് ആശുപത്രി എത്തുന്നതിന് ഒരു കിലോമീറ്റർ അകലെ വച്ചായിരുന്നു അപകടം.