കോഴിക്കോട്:അശ്ലീല വീഡിയോ പ്രചരിപ്പിച്ചെന്ന വടകരയിലെ എൽഡിഎഫ് സ്ഥാനാർഥി കെ കെ ശൈലജയുടെ ആരോപണത്തിനെതിരെ വക്കീൽ നോട്ടീസയച്ച യുഡിഎഫ് സ്ഥാനാർഥി ഷാഫി പറമ്പിലിന് ശൈലജയുടെ മറുപടി. തന്നെ അധിക്ഷേപിച്ചതിന്‍റെ തെളിവുകൾ പൊതു മധ്യത്തിലുണ്ട്. തനിക്കെതിരായ പ്രചാരണം ജനം തിരിച്ചറിഞ്ഞപ്പോൾ അതിൽ നിന്ന് രക്ഷപ്പെടാനാണ് യുഡിഎഫ് സ്ഥാനാർഥിയുടെ ശ്രമം. തെരഞ്ഞെടുപ്പിൽ ജനം എല്ലാ കാര്യങ്ങൾക്കും മറുപടി നൽകുമെന്നും കെ കെ ശൈലജ പറഞ്ഞു.
24 മണിക്കൂറിനകം വാർത്താ സമ്മേളനം വിളിച്ച് മാപ്പ് പറയണമെന്നായിരുന്നു ഷാഫിയുടെ ആവശ്യം. കെകെ ശൈലജയെ അപകീര്‍ത്തിപ്പെടുത്തും വിധത്തിലുള്ള വീഡിയോ പ്രചരിപ്പിച്ചുവെന്നാരോപിച്ച് ഷാഫി പറമ്പിലിനെതിരെ സമൂഹമാധ്യമങ്ങളില്‍ വിമര്‍ശനവും ആക്രമണങ്ങളുമുയര്‍ന്നിരുന്നു.