തിരുവനന്തപുരം:സംസ്ഥാനത്ത് ഇന്ന് മുതൽ മഴ കനക്കും. ഒരാഴ്‌ച വ്യാപകമായ മഴയ്‌ക്ക് സാധ്യതയെന്നാണ് കാലാവസ്ഥ കേന്ദ്രത്തിന്‍റെ വിലയിരുത്തല്‍. വിവിധ ഇടങ്ങളിൽ ഇടിമിന്നലോടെയുള്ള മഴയ്‌ക്ക് സാധ്യതയുണ്ടെന്നും കാലാവസ്ഥ കേന്ദ്രം വിലയിരുത്തി. ഏഴ് ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചു.
പത്തനംതിട്ട, ഇടുക്കി, എറണാകുളം, തൃശൂർ, കോഴിക്കോട്, വയനാട്, കണ്ണൂർ, ജില്ലകളിലാണ് യെല്ലോ അലർട്ട്. നാളെ (സെപ്‌റ്റംബർ 30 തിങ്കൾ) തിരുവനന്തപുരം, കൊല്ലം, ഇടുക്കി, എറണാകുളം, തൃശൂർ, കോഴിക്കോട്, വയനാട് ജില്ലകളിലും. ചൊവ്വാഴ്‌ച (ഒക്‌ടോബർ 1 ചൊവ്വ) പത്തനംതിട്ട, ഇടുക്കി, എറണാകുളം ജില്ലകളിലും. ബുധനാഴ്‌ച പത്തനംതിട്ട, ഇടുക്കി, ജില്ലകളിലും യെല്ലോ അലർട്ട് പ്രഖ്യാപിച്ചിട്ടുണ്ട്. വിവിധ ഇടങ്ങളിലായി ഒറ്റപ്പെട്ട അതിശക്തമായ മഴയ്‌ക്കുള്ള സാധ്യതയുണ്ടെന്നും കാലാവസ്ഥാ വകുപ്പിന്‍റെ മുന്നറിയിപ്പുണ്ട്.