തിരുവനന്തപുരം: വയനാട് പുനരധിവാസ പദ്ധതിയില്‍ കേന്ദ്രം യാതൊരു സഹായവും അനുവദിച്ചിട്ടില്ലെന്ന് ധനമന്ത്രി കെ എന്‍ ബാലഗോപാല്‍. 2221 കോടി രൂപയാണ് വയനാട് പുനരധിവാസത്തിനായി വേണ്ടത്. കേന്ദ്രം സഹായം നല്‍കുമെന്ന് തന്നെയാണ് പ്രതീക്ഷിക്കുന്നത്. ഇനി ഒന്നും ലഭിച്ചില്ലെങ്കിലും പുനരധിവാസം സമയബന്ധിതമായി പൂര്‍ത്തിയാക്കും.
സിഎംഡിആര്‍എഫ്, സ്വകാര്യ ഫണ്ടുകള്‍ എന്നിവയെല്ലാം ഇതിനായി ഉപയോഗിക്കും. അവശ്യമെങ്കില്‍ അധികഫണ്ടും അനുവദിക്കുമെന്നും മന്ത്രി അറിയിച്ചു. 1202 കോടി രൂപയുടെ നഷ്‌ടമാണ് വയനാട്ടില്‍ ഉണ്ടായതെന്നും മന്ത്രി ചൂണ്ടിക്കാട്ടി. 750 കോടി രൂപ വയനാട് പുനരധിവാസത്തിനായി ബജറ്റില്‍ നീക്കി വച്ചിട്ടുണ്ട്.