Published : Jan 25, 2025, 3:52 PM IST
കോഴിക്കോട്: വയനാട് ഡിസിസി ട്രഷറർ ആയിരുന്ന എൻ എം വിജയന്‍റെ മരണത്തിൽ, പ്രേരണാ കുറ്റം ചുമത്തപ്പെട്ട ഐ സി ബാലകൃഷ്‌ണൻ എംഎൽഎയെ അറസ്റ്റ് ചെയ്‌ത് ജാമ്യത്തിൽ വിട്ടയച്ചു. കോടതി ഉത്തരവുള്ളതിനാലാണ് അറസ്റ്റ് രേഖപ്പെടുത്തി ജാമ്യത്തിൽ വിട്ടയച്ചിരിക്കുന്നത്.
ഇടിവി ഭാരത് കേരള വാട്‌സ്‌ആപ്പ് ചാനലില്‍ ജോയിന്‍ ചെയ്യാന്‍ ഈ ലിങ്കില്‍ ക്ലിക്ക് ചെയ്യുക
ചോദ്യം ചെയ്യൽ പൂർത്തിയായ സാഹചര്യത്തിലായിരുന്നു അറസ്റ്റ് രേഖപ്പെടുത്തിയത്. പ്രേരണാ കുറ്റം ചുമത്തിയതിൽ ഐ സി ബാലകൃഷ്‌ണനാണ് ഒന്നാം പ്രതി. ഇന്നലെ എംഎൽഎയുടെ വസതിയിലും പൊലീസ് തെരച്ചിൽ നടത്തിയിരുന്നു. മൂന്ന് ദിവസമാണ് എം എംഎൽഎയെ ചോദ്യം ചെയ്‌തത്. ഇതോടെ പ്രേരണ കുറ്റം ചുമത്തപ്പെട്ട മൂന്ന് പ്രതികളുടെയും ചോദ്യം ചെയ്യലും പൂർത്തിയായി.
