തിരുവനന്തപുരം : ആമയിഴഞ്ചാന്‍ തോട്ടിലെ മാലിന്യ പ്രശ്‌നത്തില്‍ കൃത്യവിലോപം നടത്തിയതായി കണ്ടെത്തിയ തിരുവനന്തപുരം നഗരസഭയിലെ ഹെല്‍ത്ത് ഇന്‍സ്‌പെക്‌ടര്‍ക്ക് സസ്‌പെന്‍ഷന്‍. തമ്പാനൂര്‍ ഭാഗം ഉള്‍പ്പെടുന്ന സെക്രട്ടേറിയറ്റ് സര്‍ക്കിളിലെ ഹെല്‍ത്ത് ഇന്‍സ്‌പെക്‌ടര്‍ കെ ഗണേഷിനെയാണ് തിരുവനന്തപുരം നഗരസഭ ആരോഗ്യ വിഭാഗം സസ്‌പെന്‍ഡ് ചെയ്‌തത്.
ആഭ്യന്തര അന്വേഷണ റിപ്പോര്‍ട്ടിൻ്റെ അടിസ്ഥാനത്തിലാണ് നടപടി. തമ്പാനൂര്‍, പാളയം, രാജാജി നഗര്‍ ഭാഗങ്ങളില്‍ തോട്ടിലേക്ക് മാലിന്യം തള്ളുന്നത് കണ്ടെത്തി തടയുക, തോട് വൃത്തിയാക്കുക തുടങ്ങിയ ചുമതലകള്‍ ഹെല്‍ത്ത് ഇന്‍സ്‌പെക്‌ടര്‍ക്കാണ്. ഇതില്‍ വീഴ്‌ച വരുത്തിയെന്ന് ആഭ്യന്തര അന്വേഷണത്തില്‍ കണ്ടെത്തിയതിന് പിന്നാലെയാണ് നടപടിയെന്നാണ് വിവരം.