എറണാകുളം: തലസ്ഥാന നഗരത്തിന്‍റെ നിലവിലെ സ്ഥിതി മോശമെന്ന് ഹൈക്കോടതി. നഗരത്തിന്‍റെ എല്ലാ ഭാഗത്തും മാലിന്യം കൂട്ടിയിട്ടിരിക്കുകയാണെന്ന അമിക്കസ് ക്യൂറിയുടെ റിപ്പോർട്ട് പരിശോധിച്ച കോടതി ദയനീയമെന്നും കുറ്റപ്പെടുത്തി. ആമയിഴഞ്ചാൻ തോട്ടിലെയും തിരുവനന്തപുരം നഗരത്തിലെയും മാലിന്യ പ്രശ്‌നം പഠിച്ച അമിക്കസ് ക്യൂറി, നഗര ഭാഗങ്ങളിലെല്ലാം മാലിന്യം കൂട്ടിയിട്ടിരിക്കുകയാണെന്നത് അടക്കമുള്ള വിശദാംശങ്ങൾ ഉൾപ്പെടുത്തിക്കൊണ്ടാണ് റിപ്പോർട്ട് സമര്‍പ്പിച്ചത്.
ഈ റിപ്പോർട്ട് പരിശോധിച്ച ഹൈക്കോടതി ഡിവിഷൻ ബെഞ്ച് തലസ്ഥാന നഗരം മോശം സ്ഥിതിയിലെന്ന് വിലയിരുത്തുകയായിരുന്നു. അമിക്കസ് ക്യൂറിയുടെ റിപ്പോർട്ടിലെ വിശദാംശങ്ങൾ പരിശോധിച്ച കോടതി ദയനീയമെന്നും കുറ്റപ്പെടുത്തി. മാലിന്യം വലിച്ചെറിയുന്നവർക്കെതിരെ പിഴയടക്കമുളള ശക്തമായ നടപടികൾ സ്വീകരിക്കും. ആമയിഴഞ്ചാൻ പൂർണമായി ശുചീകരിക്കുന്നതിനുളള പദ്ധതി ഇറിഗേഷൻ ഡിപ്പാ‍ർട്മെന്‍റ് തയാറാക്കിവരികയാണ്.