കോഴിക്കോട്:പെരുമണ്ണയില്‍ ഗുണ്ടാസംഘത്തിന്‍റെ ആക്രമണം. യുവാവിന് പരിക്ക്. വെള്ളായിക്കോട് സ്വദേശി അജ്‌മൽ റോഷനാണ് (33) മർദനമേറ്റത്. കിണാശ്ശേരി സ്വദേശി സജാദ്, മാത്തറ സ്വദേശി റഷീദ് എന്നിവരാണ് മർദനത്തിനിരയാക്കിയതെന്ന് റോഷന് പറയുന്നു.
കഴിഞ്ഞ ദിവസമാണ് സംഭവം. പ്രസവാനന്തരം ചികിത്സയില്‍ കഴിയുന്ന ഭാര്യയെ കാണാന്‍ ആശുപത്രിയിലേക്ക് പോകാന്‍ വീട്ടില്‍ നിന്നിറങ്ങുമ്പോഴാണ് റോഷന് നേരെ ആക്രമണമുണ്ടായത്. മാരകായുധങ്ങളുമായെത്തിയ ഇരുവരും റോഷനെ ആക്രമിക്കുകയായിരുന്നു. മര്‍ദനത്തില്‍ പരിക്കേറ്റ റോഷന്‍റെ നിലവിളി കേട്ട് നാട്ടുകാരെത്തിയപ്പോഴേക്കും അക്രമികള്‍ ബൈക്കില്‍ രക്ഷപ്പെട്ടു.
ഇടിവി ഭാരത് കേരളം ഇനി വാട്‌സ്‌ആപ്പിലും