കളിക്കുന്നതിനിടെ വിരലിൽ കുടുങ്ങിയ മോതിരം ഫയർഫോഴ്‌സ് ഉദ്യോഗസ്ഥർ അഴിച്ചുമാറ്റിയപ്പോൾ (ETV Bharat)
കോഴിക്കോട്:കളിക്കുന്നതിനിടെപതിനാലുകാരിയുടെ കൈവിരലിൽ കുടുങ്ങിയ മോതിരം സുരക്ഷിതമായി അഴിച്ചെടുത്ത് മുക്കം ഫയർഫോഴ്‌സ് ഉദ്യോഗസ്ഥർ.കാരശേരി സ്വദേശിയായ ഷേസ ബിൻതിൻ്റെ കൈവിരലിലെ മോതിരമാണ് ഉദ്യോഗസ്ഥര്‍ മുറിച്ച് മാറ്റിയത്. ഇന്ന് (ഓഗസ്റ്റ് 13) രാവിലെയാണ് സംഭവം.
വിരലില്‍ മോതിരം കുടുങ്ങിയതായി ഇന്ന് രാവിലെയാണ് ഷേസ കുടുംബത്തെ വിവരം അറിയിച്ചത്. ഇതോടെ ആദ്യം മുക്കത്തെ ജ്വല്ലറിയില്‍ കുട്ടിയെ എത്തിച്ചു. ജ്വല്ലറിയിലെ ജീവനക്കാര്‍ ഏറെ നേരം ശ്രമിച്ചിട്ടും മോതിരം ഊരിമാറ്റാനോ മുറിച്ചെടുക്കാനോ സാധിച്ചില്ല. മാത്രമല്ല മോതിരം അണിഞ്ഞ വിരലില്‍ കഠിന വേദനയും അനുഭവപ്പെട്ടു തുടങ്ങി. ഇതോടെ കുടുംബം ഫയര്‍ഫോഴ്‌സിന്‍റെ സഹായം തേടുകയും കുട്ടിയെ ഫയര്‍ ഫോഴ്‌സ് ഓഫിസിലെത്തിക്കുകയും ചെയ്‌തു.