മന്ത്രി വാക്ക് പാലിച്ചില്ല, സെക്രട്ടറിയേറ്റിന് മുന്നില്‍ സമരത്തിന് കര്‍ഷകൻ - Farmer Strike In Secretariat

നെല്ലിന്‍റെ സംഭരണ തുക കിട്ടാത്ത സാഹചര്യത്തില്‍ സെക്രട്ടറിയേറ്റിന് മുന്നില്‍ സമരത്തിന് കര്‍ഷകൻ.

കോട്ടയം: നെല്ലിൻ്റെ സംഭരണ തുക കിട്ടാത്തതിനെ തുടർന്ന് കർഷകൻ സമരത്തിലേക്ക്. കോട്ടയം ആർപ്പൂക്കര മണിയാപറമ്പിലെ കർഷകൻ സജി എം എബ്രഹാം ആണ് സെക്രട്ടറിയേറ്റിന് മുൻപിൽ സമരത്തിന് ഒരുങ്ങുന്നത്. നെല്ലിൻ്റെ സംഭരണത്തുക കിട്ടാത്തതിനെ തുടർന്ന് കഴിഞ്ഞ ദിവസം സജി കോട്ടയത്ത് സമരം നടത്തിയിരുന്നു.

കോട്ടയത്ത് പാഡി ഓഫിസിന് മുൻപിലായിരുന സജി നിരാഹാര സമരം നടത്തിയത്. അഞ്ച് ദിവസത്തിനകം പണം നൽകാമെന്ന് മന്ത്രി ഉറപ്പ് നൽകിയതിനെ തുടർന്ന് സജി നിരാഹാരം അവസാനിപ്പിച്ചു. എന്നാൽ അഞ്ച് ദിവസമായിട്ടും പണം കിട്ടിയില്ല.

ഇതേ തുടർന്നാണ് ഇന്ന് മുതല്‍ സെക്രട്ടറിയേറ്റ് പടിക്കൽ സജി നിരാഹാരം തുടങ്ങുന്നത്. നെല്ല് സംഭരിച്ച് രണ്ട് മാസമായിട്ടും സംഭരണ തുക കിട്ടിയിട്ടില്ല ആർപ്പൂക്കര പഞ്ചായത്തിലെ പാഴോട്ടു മേക്കരി പാടശേഖര ത്തിലെ കർഷനാണ് സജി. മറ്റു കർഷകരും സമരത്തിൽ പങ്കെടുക്കുമെന്നു സജി പറഞ്ഞു.