കോഴിക്കോട്:കിണറ്റിൽ വീണ പശുക്കളെ രക്ഷപ്പെടുത്തി മുക്കം അഗ്നിരക്ഷാസേന. രണ്ടിടത്തായാണ് പശുക്കൾ കിണറ്റിൽ വീണത്. താമരശ്ശേരി മൂന്നാംതോടിലും മുക്കം നഗരസഭയിലെ നീലേശ്വരത്തും കിണറ്റിൽ വീണ
പശുക്കളെ മുക്കം അഗ്നിരക്ഷാസേന കരക്കെത്തിച്ചു. ഏകദേശം മുപ്പത് അടിയോളം താഴ്‌ചയുള്ള കിണറുകളിലാണ് പശുക്കൾ വീണത്.
രണ്ടിടങ്ങളിലായി കിണറ്റിൽ വീണ പശുക്കളെ മുക്കം അഗ്നിരക്ഷാ സേന രക്ഷപ്പെടുത്തിയപ്പോൾ. (ETV Bharat)
ഉടമകൾ വിവരമറിയിച്ചതിനെ തുടർന്ന് സ്ഥലത്തെത്തിയ മുക്കം ഫയർ യൂണിറ്റിലെ ഫയർ ഓഫിസർ നിഷാന്താണ് രക്ഷാദൗത്യത്തിനായി മൂന്നാംതോടിലെ കിണറ്റിൽ ഇറങ്ങിയത്. നീലേശ്വരത്ത് ഫയർ ഓഫിസർ മിഥുനും കിണറ്റിൽ ഇറങ്ങി. ഏറെ നേരത്തെ പരിശ്രമത്തിന് ശേഷമാണ് ഇരു കിണറുകളിലും അകപ്പെട്ട പശുക്കളെ സുരക്ഷിതമായി രക്ഷപ്പെടുത്തി കരയ്‌ക്കെത്തിച്ചത്.