ഇടുക്കി നെടുംകണ്ടത്ത് ജപ്‌തി നടപടിക്കിടെ വീട്ടമ്മ ആത്മഹത്യ ചെയ്‌ത സംഭവത്തിൽ പ്രതിഷേധം കനക്കുന്നു
ഇടുക്കി: നെടുംകണ്ടത്ത് ജപ്‌തി നടപടിക്കിടെ വീട്ടമ്മ ആത്മഹത്യ ചെയ്‌ത സംഭവത്തിൽ പ്രതിഷേധം കനക്കുന്നു. ലോൺ കാലാവധി അവസാനിക്കാൻ ദിവസങ്ങൾ ഉണ്ടെന്നിരിക്കെ ബാങ്കിൻ്റെ ദൃതി പിടിച്ചുള്ള ജപ്‌തി നടപടി എന്തിനെന്ന ചോദ്യമാണ് ഉയരുന്നത്.
ബാങ്ക് മാനേജരെ കൊലക്കുറ്റം ചുമത്തി അറസ്‌റ്റ് ചെയ്യണമെന്നാവശ്യപ്പെട്ട് ബിജെപി നെടുംകണ്ടം മണ്ഡലം കമ്മറ്റിയുടെ നേതൃത്വത്തിൽ ബാങ്കിലേക്ക് മാർച്ച് സംഘടിപ്പിച്ചു. തുടർന്ന് നടന്ന ധർണ്ണ സമരം ബിജെപി മണ്ഡലം പ്രസിഡൻ്റ് ബിജു കോട്ടയിൽ ഉദ്ഘാടനം ചെയ്‌തു. മരിച്ച ഷീബയുടെ കുടുംബത്തിലെ ഒരാൾക്ക് സർക്കാർ ജോലി നൽകണമെന്നും കുടുംബത്തിൻ്റെ ബാധ്യത സർക്കാർ ഏറ്റെടുക്കണമെന്നും ബിജെപി നേതാക്കൾ ആവശ്യപ്പെട്ടു.