തിരുവനന്തപുരം:വഞ്ചിയൂർ വെടിവയ്പ്പ് കേസിലെ പ്രതിയെ കുറിച്ച് പൊലീസിന് വിവരങ്ങൾ ലഭിച്ചതായി സൂചന. വെടിയേറ്റ ഷൈനിയുമായി മുൻ വൈരാഗ്യമുള്ള ആളാണ് വെടിയുതിര്‍ത്തതെന്നാണ് ലഭിക്കുന്ന വിവരം. അതേസമയം തനിക്ക് ശത്രുക്കളില്ലെന്ന് പരിക്കേറ്റ സ്‌ത്രീ പൊലീസിന് മൊഴി നൽകി.
തലയും മുഖവും മറച്ചെത്തിയ സ്‌ത്രീയാണ് ഷൈനിക്ക് നേരെ വെടിയുതിർത്തത്. ജീന്‍സും ഷര്‍ട്ടും ധരിച്ചാണ് അക്രമി എത്തിയതെന്ന് സിസിടിവി ദൃശ്യങ്ങളിൽ നിന്ന് വ്യക്തമാണ്. സംഭവത്തിൽ അന്വേഷണം ഊർജിതമാക്കി പൊലീസ്.