കാട്ടാന ശല്യത്തിൽ പ്രതിഷേധിച്ച് ആദിവാസി കുടുംബങ്ങൾ (ETV Bharat)
ഇടുക്കി: അടിമാലിയില്‍ കാട്ടാന ശല്യം രൂക്ഷമായതിന് പിന്നാലെ പ്രതിഷേധം കടുപ്പിച്ച് ആദിവാസി കുടുംബങ്ങള്‍. വാളറ, കുളമാംകുഴി, കമ്പിലൈന്‍, കാഞ്ഞിരവേലി എന്നിവിടങ്ങളില്‍ നിന്നുള്ള കുടുംബങ്ങളാണ് പ്രതിഷേധവുമായി രംഗത്തെത്തിയത്. കാട്ടാന ശല്യം തടയാന്‍ ശാശ്വത പരിഹാരം വേണമെന്ന് ആവശ്യപ്പെട്ട സംഘം കൊച്ചി-ധനുഷ്‌കോടി ദേശീയപാത ഉപരോധിച്ചു.
ഉപരോധത്തിന് മുന്നോടിയായി കുടുംബങ്ങള്‍ പ്രതിഷേധ പ്രകടനവും നടത്തി. അടിമാലി ഗ്രാമപഞ്ചായത്ത് അംഗം ദീപ രാജീവാണ് പ്രതിഷേധം ഉദ്‌ഘാടനം ചെയ്‌തത്. വാളറ, കുളമാംകുഴി, കമ്പിലൈന്‍, കാഞ്ഞിരവേലി എന്നിവിടങ്ങളിലാണ് കാട്ടാന ശല്യം രൂക്ഷമാകുന്നത്.