തിരുവനന്തപുരം: നിരവധി കഞ്ചാവ് കേസുകളിലെ പ്രതി ആന്റി നെർക്കോട്ടിക് സ്ക്വാഡിന്റെ പിടിയിൽ. കഞ്ചാവ് വില്പന ഭവനഭേദനം മോഷണം തുടങ്ങി നിരവധി കേസിലെ പ്രതിയായ വെളിയംകോട് സാജു നിവാസിൽ സാബുവാണ് പിടിയിലായത്.
നെല്ലിമൂട്ടിൽ ഒളിവിൽ താമസിച്ച് കഞ്ചാവ് കച്ചവടം നടത്തുകയായിരുന്നതായി പൊലീസ് പറഞ്ഞു. ഇയാളിൽ നിന്ന് ഒന്നരക്കിലോ കഞ്ചാവും, ഇവ തൂക്കി വില്ക്കാന് വേണ്ടി ഉപയോഗിക്കുന്ന ത്രാസും പിടിച്ചെടുത്തു.