പതിനേഴാം വയസിൽ പൈലറ്റായി പാലക്കാടുകാരൻ കണ്ണന് (ETV Bharat)
തൃശൂർ: 17 -ാം വയസിൽ വിമാനം പറത്താൻ ഒരുങ്ങുകയാണ് പാലക്കാട് സ്വദേശിയായ കണ്ണൻ. തൃശൂരിലെ ഫ്ളൈയിങ് സ്‌കൂളിൽ ഗ്രൗണ്ട് ട്രെയിനിങ്ങിൽ എർപ്പെടുന്ന കണ്ണന് ടുണീഷ്യയിൽ വിമാനം പറത്തുന്നതിനുള്ള അവസരവും ലഭിച്ചിട്ടുണ്ട്. പാലക്കാട്ടെ തന്‍റെ വീട്ടിലിരുന്ന് കണ്ട അതിരില്ലാത്ത ആകാശ സ്വപ്‌നങ്ങളാണ് ഇന്ന് കണ്ണനെ ടുണീഷ്യ വരെയുള്ള അവസരമൊരുക്കിയിരിക്കുന്നത്.
പ്ലസ്‌ടു പഠനശേഷം തൃശൂരിലെ റയാൻ എയർ എന്ന ഫ്ളൈയിങ് സ്‌കൂളിൽ എത്തിയതാണ് കണ്ണന് ജീവിത വഴിത്തിരിവായത്. ഓരോ പൈലറ്റും അടിസ്ഥാനമായി അറിഞ്ഞിരിക്കേണ്ട കാലാവസ്ഥാ പഠനവും എയർ ക്രാഫ്റ്റുകളുടെ പ്രവർത്ഥനവുമൊക്കെയാണ് കണ്ണൻ ഇപ്പോൾ സ്വായത്തമാക്കിക്കൊണ്ടിരിക്കുന്നത്. അതോടൊപ്പമുള്ള സിമുലേറ്റർ ട്രെയിനിങ്ങിൽ കണ്ണൻ ഇപ്പോൾ തന്‍റെ ആകാശപ്പറക്കൽ നടത്തിക്കൊണ്ടിരിക്കുകയാണ്.