റോഡരികിൽ കഞ്ചാവ് ചെടി; അന്വേഷണം ആരംഭിച്ച് ഉടുമ്പഞ്ചോല എക്സൈസ് (Etv Bharat)
ഇടുക്കി: രാമക്കൽമേട് വിനോദസഞ്ചാര കേന്ദ്രത്തിനടുത്ത് കഞ്ചാവ് ചെടി കണ്ടെത്തി. ഉടുമ്പഞ്ചോല എക്സൈസ് റേഞ്ച് സംഘം നടത്തിയ റെയ്‌ഡിൽ രാമക്കൽമേട് ഉദയപുരം കോളനിയിൽ റോഡരികിൽ വളർന്ന് നിൽക്കുകയായിരുന്ന 50 സെന്‍റിമീറ്റര്‍ ഉയരമുള്ള കഞ്ചാവ് ചെടിയാണ് കണ്ടെത്തിയത്. രണ്ട് മാസത്തോളം വളർച്ചയെത്തിയ ചെടിയാണിത്.
സംഭവത്തിൽ കേസ് രജിസ്റ്റർ ചെയ്‌ത് അന്വേഷണം ആരംഭിച്ചു. പ്രദേശത്തു നിന്ന് മുമ്പും പലതവണ ഇത്തരത്തിൽ കഞ്ചാവ് ചെടികൾ കണ്ടെത്തിയിട്ടുണ്ട്. പ്രദേശവാസികളായ ചിലർ നട്ടുവളർത്തുന്നതാണോ എന്ന് സംശയവും എക്സൈസിനുണ്ട്.