ഹൈദരാബാദ്: അന്താരാഷ്ട്ര ക്രിക്കറ്റ് കൗൺസിലിന്‍റെ പുതിയ ചെയര്‍മാനായി ജയ്‌ ഷാ എതിരില്ലാതെ തിരഞ്ഞെടുക്കപ്പെട്ടു. ഡിസംബർ ഒന്നു മുതൽ ജെയ്ഷ ചുമതലയേൽക്കുമെന്നാണ് റിപ്പോർട്ട്. 36 കാരനായ അദ്ദേഹം ഐസിസിയുടെ ആദ്യ യുവ ചെയര്‍മാനെന്ന നേട്ടം സ്വന്തമാക്കി. 2019-ൽ ആണ് ജയ്‌ ഷാ ബിസിസിഐ സെക്രട്ടറിയായി തെരഞ്ഞെടുക്കപ്പെട്ടത്. ഐ.സി.സി തലപ്പത്തെത്തുന്ന അഞ്ചാമത്തെ ഇന്ത്യക്കാരനുകൂടിയാണ് ജയ്‌ ഷാ.
ഐസിസി ചെയര്‍മാന്‍റെ ശമ്പളം എത്രയാണ്?
ഐസിസിയിൽ ഓണററി പദവികൾ വഹിക്കുന്നവർക്ക് നിശ്ചിത ശമ്പളമില്ല. പകരം അവരുടെ യാത്രകൾ, കൺസൾട്ടൻസി മീറ്റിങ്ങുകൾ മുതലായ അലവൻസുകൾക്കും ചെലവുകൾക്കും ഒരു തുക നൽകുന്നു. എന്നിരുന്നാലും, യാത്രയ്‌ക്കോ ഉപദേശക യോഗങ്ങൾക്കോ മറ്റ് സൗകര്യങ്ങൾക്കോ ഐസിസി ഉദ്യോഗസ്ഥർക്ക് എത്ര പണം നൽകുന്നുവെന്ന് അന്താരാഷ്ട്ര ക്രിക്കറ്റ് കൗൺസിൽ ഇതുവരെ വെളിപ്പെടുത്തിയിട്ടില്ല.
ബിസിസിഐ പ്രസിഡന്‍റ്, സെക്രട്ടറി, ട്രഷറർ എന്നിവരുടെ ശമ്പളം എത്ര?
അതുപോലെ ബിസിസിഐയുടെ പ്രസിഡന്‍റ്, സെക്രട്ടറി, ട്രഷറർ എന്നീ സ്ഥാനങ്ങളും ഓണററി തസ്‌തികകളാണ്. നിശ്ചിത ശമ്പളമില്ല. അതോടൊപ്പം അലവൻസുകളും യാത്രാ പാസും മറ്റ് ആനുകൂല്യങ്ങളും നൽകുന്നു. ഉപദേശക യോഗം, പൊതു പരിപാടികൾ എന്നിവയ്ക്കായി പ്രത്യേക യാത്രാ ടിക്കറ്റ്, അലവൻസുകൾ എന്നിങ്ങനെ പരിപാടികൾക്കും നൽകുന്നു.
കൂടാതെ ഇവർക്കുള്ള ചെലവ് ക്രിക്കറ്റ് ബോർഡാണ് വഹിക്കുന്നത്. ഐസിസി മീറ്റിംഗുകളിൽ പങ്കെടുക്കാൻ അവർ വിദേശത്തേക്ക് പോകുമ്പോൾ ഉണ്ടാകുന്ന ചെലവുകളും പ്രതിദിനം 1000 ഡോളർ അലവൻസും അതായത് ഇന്ത്യൻ കറൻസിയിൽ 82000 രൂപ നല്‍കും.
യാത്രയ്ക്കിടയിലുള്ള താമസവും ഭക്ഷണവും ഉൾപ്പെടെയുള്ള എല്ലാ ചെലവുകളും ക്രിക്കറ്റ് ബോർഡ് വഹിക്കുന്നു. യാത്രയ്ക്കുള്ള ഫസ്റ്റ് ക്ലാസ് ടിക്കറ്റുകൾ മാത്രമാണ് ഇവർക്ക് നൽകുന്നത്. പുറമെ, ഔദ്യോഗിക വിദേശയാത്രയ്ക്ക് പ്രതിദിനം 40,000 രൂപ അലവൻസ് നൽകും.
യാത്ര, ഭക്ഷണം, താമസം എന്നിവയ്ക്കായി വ്യക്തിഗത തുക നൽകും. യോഗങ്ങൾക്കോ മറ്റെന്തെങ്കിലും ജോലികൾക്കോ ഒരു ടൗണിൽ നിന്ന് മറ്റൊരു നഗരത്തിലേക്ക് പോയാൽ, വ്യക്തിക്ക് 30,000 രൂപ പ്രതിദിന അലവൻസ് നൽകുന്നു. അവിടെ ഒരു ഹോട്ടൽ ബുക്ക് ചെയ്‌താൽ ക്രിക്കറ്റ് ബോർഡാണ് എല്ലാ ചെലവും വഹിക്കുക.
Also Read:ഡബ്ല്യുഡബ്ല്യുഇ മുന്‍ ചാമ്പ്യന്‍ അര്‍ബുദം ബാധിച്ച് മരിച്ചു, ഞെട്ടി ആരാധകർ! - Former WWE Champion Dies
