ഹൈദരാബാദ്: ദക്ഷിണാഫ്രിക്കയ്‌ക്കെതിരെ ഏകദിന പരമ്പര സ്വന്തമാക്കി അഫ്‌ഗാനിസ്ഥാന്‍. മൂന്ന് മത്സരങ്ങളടങ്ങിയ പരമ്പരയില്‍ ഒരു മത്സരം ശേഷിക്കെ 2-0ന് മുന്നിലെത്തി. ആദ്യ മത്സരത്തിൽ അഫ്‌ഗാന്‍ ദക്ഷിണാഫ്രിക്കൻ ഇന്നിംഗ്‌സ് 106ന് ഒതുക്കി. പിന്നീട് ടീം ചേസ് 26 ഓവറിൽ പൂർത്തിയാക്കി. രണ്ടാം മത്സരത്തിലും തിളങ്ങിയ അഫ്‌ഗാന്‍ 311 റൺസ് അടിച്ചുകൂട്ടുകയും ദക്ഷിണാഫ്രിക്കയെ 134 റൺസിന് പുറത്താക്കി. 177 റൺസിന് വിജയിക്കുകയും ചെയ്‌തു.
സുരക്ഷാ പ്രശ്‌നങ്ങൾ കാരണം അഫ്‌ഗാന്‍ ടീം സാധാരണയായി രാജ്യത്ത് പര്യടനം നടത്താറില്ല. മറ്റു ടീമുകള്‍ക്ക് അഫ്‌ഗാനിസ്ഥാന്‍ സന്ദര്‍ശിക്കാന്‍ താല്‍പര്യമില്ലാത്തതിനാല്‍ മത്സരങ്ങള്‍ ഇന്ത്യയിലോ യു.എ.ഇയോ നടത്തും.
ഇന്ത്യയിലെ ഹോം വേദി
സുരക്ഷാ പ്രശ്‌നങ്ങൾ കണക്കിലെടുത്ത് അഫ്‌ഗാനിസ്ഥാൻ ക്രിക്കറ്റ് ടീം ഷാർജയിലാണ് പരിശീലനം നടത്തുന്നത്. ഇന്ത്യയും അഫ്‌ഗാനും തമ്മിലുള്ള നയതന്ത്രബന്ധം നല്ല നിലയിലായിരുന്നപ്പോൾ ഹമീദ് കർസായി സർക്കാർ അഫ്‌ഗാന്‍ ടീമിനെ ഇന്ത്യയിൽ കളിക്കാൻ പ്രാപ്‌തമാക്കി. ഇന്ത്യയുമായി ഒരു കരാർ ഉണ്ടാക്കി. അങ്ങനെ ഗ്രേറ്റർ നോയിഡ ക്രിക്കറ്റ് സ്റ്റേഡിയം അഫ്‌ഗാന്‍റെ ഹോം വേദിയായി മാറി. 2023 ഏകദിന ലോകകപ്പിൽ അഫ്‌ഗാനിസ്ഥാൻ ടീമിന്‍റെ പുരോഗതിയിൽ അജയ് ജഡേജ ഒരു പ്രധാന പങ്ക് വഹിച്ചിരുന്നു