പാരീസ്: ജാവലിൻ ത്രോ ഫൈനൽ മത്സരത്തില്‍ തുടർച്ചയായി രണ്ടാം തവണയും നീരജ് ചോപ്ര സ്വർണം നേടുമെന്ന പ്രതീക്ഷയിലായിരുന്നു ഇന്ത്യ. പക്ഷേ ഇന്നലെ നീരജിന്‍റെ ദിവസമായിരുന്നില്ല. പാക്കിസ്ഥാന്‍റെ അർഷാദ് നദീം 92.97 മീറ്റർ എറിഞ്ഞ് ഒളിമ്പിക് റെക്കോർഡ് തിരുത്തി സ്വർണം നേടി. വെള്ളി മെഡൽ കൊണ്ട് തൃപ്‌തിയായെങ്കിലും ഇന്ത്യൻ താരം നീരജ് ചോപ്ര മറ്റു ഇന്ത്യൻ അത്‌ലറ്റിനും ചെയ്യാൻ കഴിയാത്ത നേട്ടമാണ് കൈവരിച്ചത്.
ട്രാക്കിലും ഫീൽഡിലും 2 മെഡലുകൾ നേടുന്ന ആദ്യ ഇന്ത്യക്കാരൻ
ഇന്ത്യയുടെ സ്റ്റാർ ജാവലിൻ ത്രോ താരം നീരജ് ചോപ്രക്ക് സ്വർണം നഷ്ടമായെങ്കിലും വമ്പൻ റെക്കോർഡ് സൃഷ്ടിച്ചു. സീസണിൽ 89.45 മീറ്റർ എറിഞ്ഞ് വെള്ളി മെഡൽ നേടിയ നീരജ്, തുടർച്ചയായ രണ്ടാം ഒളിമ്പിക്‌സിലും ട്രാക്കിലും ഫീൽഡിലും മെഡൽ നേടുന്ന ആദ്യ ഇന്ത്യൻ താരമായി. ടോക്കിയോ ഒളിമ്പിക്‌സിൽ സ്വർണം നേടിയ നീരജ് പാരീസിൽ വെള്ളി മെഡലും നേടി.
തുടർച്ചയായി ഒളിമ്പിക്‌സിൽ വ്യക്തിഗത മെഡൽ നേടുന്ന മൂന്നാമത്തെ ഇന്ത്യക്കാരൻ