പാരീസ്: ഒളിമ്പിക്‌സില്‍ വനിതകളുടെ 75 കിലോഗ്രാം ക്വാർട്ടർ ഫൈനലിൽ ഇന്ത്യന്‍ മെഡല്‍ പ്രതീക്ഷയായിരുന്ന ലോവ്ലിന ബോർഗോഹെയ്ൻ പുറത്തായി. ചൈനയുടെ ടോപ് സീഡ് ലി ക്വിയനോട് ലോവ്ലിന ബോർഗോഹെയ്ൻ പരാജയപ്പെട്ടതോടെ പാരീസ് ഒളിമ്പിക്‌സിലെ ഇന്ത്യയുടെ ബോക്‌സിങ് പ്രതീക്ഷകള്‍ അവസാനിച്ചു. ക്വിയാനെതിരെ ടോക്കിയോ വെങ്കല മെഡൽ ജേതാവ് 1-4നാണ് പരാജയപ്പെട്ടത്.
ടോക്കിയോയിൽ 69 കിലോഗ്രാം വിഭാഗത്തിൽ വെങ്കലം നേടിയ ലോവ്ലിന, വിജേന്ദർ സിങ്ങിനും മേരി കോമിനും ശേഷം ഒളിമ്പിക്‌സിൽ മെഡൽ നേടുന്ന മൂന്നാമത്തെ ഇന്ത്യൻ ബോക്‌സറായിരുന്നു.